ஆஸ்திரேலியாவில் வேலை மற்றும் படிக்க விரும்பும் 1000 இந்தியர்களுக்கு 1000 Work and Study VISA வழங்கும் பணி தற்போது தொடங்கியுள்ளது.
ஒக்டோபர் 1ஆம் திகதி தொடங்கிய இந்த விண்ணப்பங்கள் ஏற்கும் பணி ஒக்டோபர் 31ஆம் திகதியுடன் முடிவடையும் என்றும், இதற்கு ஏற்கெனவே 40,000 இந்தியர்கள் விண்ணப்பித்துள்ளதாகவும் கூறப்படுகிறது.
இந்த விசா பிரிவின் சிறப்பு என்னவென்றால், தகுதியான இந்தியர்கள் ஆஸ்திரேலியாவில் 12 மாதங்கள் வேலை செய்யவும், படிக்கவும் வாய்ப்பு உள்ளது.
இரு நாடுகளுக்கும் இடையிலான இருதரப்பு உறவுகளை மேம்படுத்துவதை நோக்கமாகக் கொண்ட ஆஸ்திரேலியா-இந்தியா பொருளாதார ஒத்துழைப்பு மற்றும் வர்த்தக ஒப்பந்தத்தின் (AI-ECTA) படி இந்த வகை விசா வழங்கப்படுகிறது.
18 முதல் 30 வயதுக்கு உட்பட்ட இந்திய குடிமக்கள் இதற்கு விண்ணப்பிக்கலாம். மேலும் அந்த காலகட்டத்தில் இந்தியர்கள் எத்தனை முறை வேண்டுமானாலும் நாட்டை விட்டு வெளியேறலாம்.
இதற்கான செலவு 650 AUD மற்றும் 30 வயதுக்குட்பட்ட இந்தியர்கள் செல்லுபடியாகும் பாஸ்போர்ட் மற்றும் தேசிய அடையாள அட்டையுடன் விண்ணப்பிக்கலாம்.
விண்ணப்பங்கள் தோராயமாக தேர்ந்தெடுக்கப்படும் என்றும் தகுதியான இந்தியர்களுக்கு மட்டுமே அடுத்த ஆண்டு தொடக்கத்தில் இருந்து இந்த விசா வழங்கப்படும் என்றும் ஆஸ்திரேலிய உதவி குடிவரவு அமைச்சர் மாட் தெரிவித்தார்.
