இன்று காலை பெர்த்தின் புறநகர் பகுதியில் உள்ள வீட்டிற்கு அருகில் கார் விபத்துக்குள்ளானதில் மூவர் உயிரிழந்துள்ளதுடன் மேலும் இருவர் படுகாயமடைந்துள்ளனர்.
இன்று அதிகாலை 5.10 மணியளவில் Carlisle பகுதியில் உள்ள வீட்டின் பின்புற சுவரில் கார் மோதியதில் இந்த விபத்து இடம்பெற்றுள்ளதாக தெரிவிக்கப்படுகின்றது.
இந்த விபத்தில் காரில் இருந்த மூவர் பலத்த காயங்களுடன் சம்பவ இடத்திலேயே உயிரிழந்துள்ளதுடன், வாகனம் கட்டுப்பாட்டை இழந்ததால் விபத்து ஏற்பட்டிருக்கலாம் என சந்தேகிக்கப்படுகிறது.
விபத்து காரில் இருந்த மேலும் இருவருக்கு ஆம்புலன்ஸ் மருத்துவர்கள் அடிப்படை சிகிச்சை அளித்து ராயல் பெர்த் மருத்துவமனைக்கு கொண்டு சென்றனர்.
இந்த விபத்தில் வீட்டில் உள்ள எவருக்கும் காயம் ஏற்படவில்லை எனவும், பொதுமக்கள் மற்றும் சாரதிகள் அப்பகுதிக்கு வருவதை தவிர்க்குமாறும் கேட்டுக்கொள்ளப்பட்டுள்ளது.
