மெல்பேர்ணில் இன்று காலை இலகுரக விமானம் விபத்துக்குள்ளானது.
காலை 11.20 மணியளவில் இந்த விபத்து இடம்பெற்றதாக விக்டோரியா அவசர சேவை பிரிவு தெரிவித்துள்ளது.
விபத்துக்குள்ளான இலகுரக விமானம், பர்வான், ஏரோட்ரோம் சாலை, பச்சஸ் மார்ஷ் அருகே விழுந்து நொறுங்கியதாகத் தெரிவிக்கப்படுகிறது.
காவல்துறை, தீயணைப்பு வீரர்கள், ஆம்புலன்ஸ் மற்றும் SES குழுவினர் அனைவரும் சம்பவ இடத்திற்கு வந்துள்ளனர்.
விமானம் விபத்துக்குள்ளானது குறித்த குறிப்பிட்ட தகவல்கள் எதுவும் இதுவரை வெளியாகவில்லை.
மேலும், விபத்தின் போது விமானத்தில் எத்தனை பேர் இருந்தனர் என்பதும், அவர்களின் நிலை என்ன என்பதும் இதுவரை வெளியாகவில்லை என்றும் கூறப்படுகிறது.
