Cinemaகங்குவா திரைப்படத்தின் படத் தொகுப்பாளர் உயிரிழப்பு!

கங்குவா திரைப்படத்தின் படத் தொகுப்பாளர் உயிரிழப்பு!

-

சூர்யா நடிப்பில் வெளியாகவுள்ள கங்குவா திரைப்படத்தின் படத் தொகுப்பாளர் நிஷாத் யூசூப், அவரது வீட்டில் சடலமாக கண்டெடுக்கப்பட்டுள்ளார்.

இயக்குநர் சிவா – நடிகர் சூர்யா கூட்டணியில் உருவாகியுள்ள கங்குவா திரைப்படத்தின் டிரைலர் வெளியாகி ரசிகர்கள் மத்தியில் வரவேற்பு பெற்றுள்ள நிலையில், நவம்பர் 14-ஆம் திகதி திரையரங்குகளில் வெளியாகவுள்ளது.

இப்படத்துக்கான ப்ரமோஷன் பணிகள் தீவிரமாக நடைபெற்று வரும் சூழலில், படத்தொகுப்பாளர் நிஷாத் யூசூப் இன்று காலை உயிரிழந்தார். 43 வயதாகும் நிஷாத், மலையாளம் மற்றும் தமிழ் மொழித் திரைப்படங்களுக்கு படத் தொகுப்பாளராக பணியாற்றி வந்தார்.

கடந்த 2022ஆம் ஆண்டு தல்லுமாலா படத்துக்காக சிறந்த படத்தொகுப்பாளருக்கான மாநில விருது நிஷாத்துக்கு வழங்கப்பட்டது. மேலும், உண்டா, ஒன், செளதி வெள்ளக்கா மற்றும் அடியோஸ் அமிகோஸ் உள்ளிட்ட பிரபல திரைப்படங்களில் படத்தொகுப்பாளராக பணியாற்றியுள்ளார்.

மேலும், சூர்யாவின் கங்குவா திரைப்படத்தை தொடர்ந்து, சூர்யா 45, மம்முட்டி மற்றும் மோகன்லால் நடிக்கும் திரைப்படங்களில் பணியாற்ற நிஷாத் ஒப்பந்தம் ஆகியிருந்தது குறிப்பிடத்தக்கது.

கொச்சி பனம்பிள்ளி நகரில் உள்ள அடுக்குமாடி குடியிருப்பில் உள்ள அவரது வீட்டில், புதன்கிழமை அதிகாலை உயிரிழந்த நிலையில், நிஷாத் யூசூப் கிடந்துள்ளார். இதனைத் தொடர்ந்து, சம்பவ இடத்துக்கு விரைந்த கொச்சி பொலிஸார் சடலத்தை கைப்பற்றி பிரேத பரிசோதனைக்கு அனுப்பி வைத்துள்ளனர்.

அவர் தற்கொலை செய்து கொண்டாரா அல்லது வேறு காரணங்களால் உயிரிழந்தாரா என்பது குறித்து விசாரணையை தொடங்கியுள்ளனர்.

ஏற்கெனவே கங்குவா திரைப்படத்தின் கலை இயக்குநர் மிலன் உயிரிழந்த நிலையில், படத் தொகுப்பாளரும் தற்போது மரணமடைந்துள்ளார்.

விடாமுயற்சி திரைப்படத்தின் பணிகளுக்காக அபர்பைஜான் சென்றிருந்த மிலன், அங்கு மாரடைப்பால் உயிரிழந்தது குறிப்பிடத்தக்கது.

Latest news

Meta AI-யில் மிகப்பெரிய அளவில் பணியாளர்கள் குறைப்பு

Meta நிறுவனம் AI-யில் பணிபுரிந்த சுமார் 600 ஊழியர்களை பணிநீக்கம் செய்ய முடிவு செய்துள்ளது. இந்த பணியாளர் குறைப்புகளால் FAIR (Fundamental AI Research) பிரிவு மற்றும்...

Escape! Hide! Tell! ஆஸ்திரேலியர்களுக்கான புதிய பாதுகாப்பு ஆலோசனை

அவசரநிலை ஏற்பட்டால், ஆயுதமேந்திய தாக்குதலுக்கு மக்கள் தயாராக உதவும் வகையில் ஆஸ்திரேலிய அரசாங்கம் ஒரு பிரச்சாரத்தைத் தொடங்கியுள்ளது. "Escape! Hide! Tell!" என்பது அந்தப் பிரச்சாரம் ஆகும். பெரிய...

சாதனை உச்சத்தை எட்டிய ஆஸ்திரேலிய Super Fund

ஆஸ்திரேலிய Super Fund சாதனை உச்சத்தை எட்டியுள்ளதாக தகவல்கள் தெரிவிக்கின்றன. கூட்டு ஓய்வூதியத்திற்காக அதிக பணம் சேமிக்கப்பட்டுள்ளதாக தெரிவிக்கப்படுகிறது. Australian Superannuation Fund Association-இன் (ASFA) புதிய...

பாப்பரசரும் இங்கிலாந்து மன்னரும் முதன்முறையாக ஒன்றாக பிரார்த்தனை

கடந்த 500 ஆண்டுகளில் முதல் முறையாக பாப்பரசர் மற்றும் இங்கிலாந்து மன்னர் ஒன்றாக பிரார்த்தனை செய்தனர். கத்தோலிக்க திருச்சபையிலிருந்து ஆங்கிலிகன் திருச்சபை பிரிந்ததிலிருந்து கிட்டத்தட்ட 500 ஆண்டுகளுக்கு...

கொடிய பறவைக் காய்ச்சல் Heard தீவை அடைந்துவிட்டதா?

ஆஸ்திரேலியாவின் துணை அண்டார்டிக் Heard தீவில் கொடிய H5 பறவைக் காய்ச்சல் பரவியதாக சந்தேகிக்கப்படுகிறது. RSV Nuyina என்ற Ice breaker கப்பலில் பயணிக்கும் வனவிலங்கு விஞ்ஞானிகள்,...

4 முக்கிய ஆஸ்திரேலிய நகரங்களிலிருந்து 12 புதிய விமானங்கள்

ஆஸ்திரேலிய சுற்றுலாப் பயணிகளுக்காக பல புதிய விமானங்களை இயக்க நடவடிக்கை எடுக்கப்பட்டுள்ளது. அதன்படி, வரும் மாதங்களில் கிறிஸ்துமஸ் பருவத்தில் பிரிஸ்பேர்ண், மெல்பேர்ண், அடிலெய்டு மற்றும் பெர்த் ஆகிய...