மெல்பேர்ண் விமான நிலையத்தில் கார் பார்க்கிங்கிற்கு அதிக பணம் செலுத்துவதை தவிர்க்கும் வகையில், பார்க்கிங் செய்ய தேவையான இடத்தை முன்கூட்டியே பதிவு செய்து கொள்ள வேண்டும் என அறிவிப்பு வெளியிடப்பட்டுள்ளது.
மெல்பேர்ண் விமான நிலையத்தில் பார்க்கிங் கட்டணம் அடுத்த வாரத்தில் இருந்து சுமார் 10 சதவீதம் உயரும் என்று அறிவிக்கப்பட்டுள்ளது.
டெர்மினல் மற்றும் முன்னுரிமை போக்குவரத்து பார்க்கிங்கிற்கான ஒரு நாள் கட்டணம் $5 அதிகரிக்கும் மற்றும் அவற்றின் புதிய விலைகள் முறையே $54 மற்றும் $84 ஆக இருக்கும்.
இதுகுறித்து மெல்பேர்ண் விமான நிலையம் கூறியுள்ளதாவது, முன்கூட்டியே ஆன்லைன் முறை மூலம் வாகனங்களை நிறுத்த இடம் ஒதுக்கினால் இந்த விலை உயர்வை முற்றிலும் குறைக்க முடியும்.
கடந்த வர்த்தக ஆண்டில் மட்டும் மெல்பேர்ண் விமான நிலையத்தில் கார் பார்க்கிங் மூலம் 243 மில்லியன் டாலர்கள் வருமானம் கிடைத்துள்ளதுடன் அந்த ஆண்டின் ஒரு நாளின் வருமானம் 660,000 டாலர்கள் என்று பதிவு செய்யப்பட்டுள்ளது.
“Naarm Way” திட்டத்தினால் சுமார் 2000 வாகன நிறுத்துமிடங்கள் அகற்றப்பட்டுள்ள பின்னணியில் இந்த விலை அதிகரிப்பு எதிர்வரும் திங்கட்கிழமை முதல் அமுலுக்கு வரும் என தெரிவிக்கப்படுகிறது.
