வடக்கு பிரதேச (NT) மாநில அரசாங்கத்தால் வழங்கப்படும் இந்த ஆண்டின் சிறந்த அவுஸ்திரேலியர் விருதுக்கு இலங்கையர் ஒருவர் பரிந்துரைக்கப்பட்டுள்ளார்.
அதன்படி இலங்கை இளைஞரான நிலேஷ் திலுஷன் என்பவருக்கே இந்த விருது வழங்கப்படவுள்ளது.
NT State Young Australian of the year விருதுக்கு இவர் பரிந்துரைக்கப்பட்டிருப்பது சிறப்பம்சமாகும்.
NT மாநிலத்தில் உள்ள ஆஸ்திரேலியன் விருது 4 பிரிவுகளின் கீழ் வழங்கப்படுவதும், மாநிலத்தின் இளம் ஆஸ்திரேலியன் பிரிவில் நிலேஷ் பரிந்துரைக்கப்பட்டிருப்பதும் குறிப்பிடத்தக்கது.
மேலும் நிலேஷ் திலுஷன் இலங்கையில் பிறந்து தற்போது அவுஸ்திரேலியாவின் குடியுரிமை பெற்றவர்.
அவுஸ்திரேலியாவில் பல்வேறு பின்னணியில் உள்ள இளைஞர்களை அவர்களது சமூகத்திற்கு சேவை செய்ய ஊக்குவிப்பதிலும் ஒன்றிணைப்பதிலும் நிலேஷ் திலுஷன் மாநிலத்தில் குறிப்பிடத்தக்க பணிகளைச் செய்துள்ளார்.
NT இல் பல்வேறு தன்னார்வ சேவைகளில் ஈடுபட்டுள்ள இளைஞரான இவர், FINSMART மற்றும் Jumpstart போன்ற நிகழ்ச்சிகளை ஏற்பாடு செய்து புலம்பெயர்ந்த இளைஞர் சமூகத்திற்கு வேலை தேடுதல் போன்ற பல திட்டங்களை வெற்றிகரமாக நடத்தி வந்தார்.
குறிப்பாக மொழியினால் பல சிரமங்களை எதிர்நோக்கி வரும் புலம்பெயர்ந்த சமூகத்தினருக்கு அவர் ஆற்றிய சேவைகளைப் பாராட்டி நிலேஷ் திலுஷன் இந்த ஆண்டு NT மாநிலத்தில் ஆண்டின் இளம் ஆஸ்திரேலியராக பரிந்துரைக்கப்பட்டுள்ளார்.
