அவுஸ்திரேலியாவில் சமூக ஊடகங்களைப் பயன்படுத்துவதற்கான குறைந்தபட்ச வயது வரம்பை 16 வயதாக அறிவிக்க பிரதமர் அல்பானீஸ் தனது உடன்பாட்டை தெரிவித்துள்ளார்.
இதன்படி, குறைந்தபட்ச வயது வரம்பை சட்டப்பூர்வமாக்குவதற்கான சட்டமூலம் இம்மாதம் நாடாளுமன்றத்தில் சமர்ப்பிக்கப்படவுள்ளதாக தெரிவிக்கப்படுகின்றது.
முன்மொழியப்பட்ட சட்டத்தின் கீழ், ஏற்கனவே சமூக ஊடக கணக்குகளை வைத்திருக்கும் அல்லது பெற்றோரின் ஒப்புதலுடன் சமூக ஊடகங்களைப் பயன்படுத்தும் 16 வயதுக்குட்பட்ட குழந்தைகளுக்கு தளர்வு செய்யப்படாது என்று தெரிவிக்கப்பட்டுள்ளது.
உத்தேச மாற்றங்கள் குறித்து விவாதிக்க மாநில மற்றும் உள்ளூர் தலைவர்கள் அடங்கிய சிறப்பு அமைச்சரவை கூட்டம் நாளை நடைபெற உள்ளது.
இந்த ஆண்டு இறுதிக்குள் 16 வயதுக்குட்பட்ட இளைஞர்கள் சமூக வலைதளங்களைப் பயன்படுத்த தடை விதிக்கப்படும் என்று கணிக்கப்பட்டுள்ளது.
மேலும், இந்த சட்டம் அமலுக்கு வந்த பிறகு, இது மறுஆய்வு செய்யப்படும் என எதிர்பார்க்கப்படுவதாக அந்தோணி அல்பானீஸ் இன்று ஊடகங்களுக்கு தெரிவித்தார்.
சில சமூக ஊடக தளங்களில் ஏற்கனவே 14 வயதுக்குட்பட்ட குழந்தைகளை சேர்வதை தடுக்கும் கொள்கைகள் உள்ளன, ஆனால் அவை அமல்படுத்தப்படவில்லை என்றும் புதிய சட்டங்களின் கீழ் முழு முன்னோக்கு நடவடிக்கைகள் எடுக்கப்படும் என்றும் பிரதமர் கூறினார்.
