அமெரிக்க அதிபர் தேர்தலில் டொனால்ட் டிரம்ப் வெற்றி பெற்ற பிறகு, உலக பணக்காரர்களின் சொத்து மதிப்பு வரலாறு காணாத வகையில் அதிகரித்துள்ளதாக “Boomberg’s Billionaires” இன்டெக்ஸ் தெரிவித்துள்ளது.
கடந்த 2012ம் ஆண்டு குறியீட்டு எண் தொடங்கப்பட்டதில் இருந்து ஒரே நாளில் (நவம்பர் 6) உலக பணக்காரர்கள் 10 பேரின் சொத்து மதிப்பு 64 பில்லியன் அமெரிக்க டாலர்கள் அதிகரித்திருப்பது வரலாற்றில் இதுவே முதல் முறை என்று தெரிவிக்கப்பட்டுள்ளது.
இந்த குறியீட்டின் தரவரிசைப்படி, உலகின் மிகப் பெரிய பணக்காரராகக் கருதப்படும் எலோன் மஸ்க்கின் சொத்து மதிப்பு 39.5 பில்லியன் டாலர்கள் அதிகரித்துள்ளதாகவும், அவரது மொத்த சொத்து மதிப்பு 434 பில்லியன் டாலர்கள் என்றும் கூறப்படுகிறது.
பட்டியலில் இரண்டாவது இடத்தில் உள்ள அமேசான் நிறுவனர் Jeff Bezos தனது சொத்துக்களை 10.6 பில்லியன் டாலர்கள் அதிகரித்துள்ள நிலையில், அவரது மொத்த சொத்து மதிப்பு 341 பில்லியன் டாலர்கள் என தெரிவிக்கப்பட்டுள்ளது.
Facebook நிறுவனர் Mark Zuckerberg இந்த தரவரிசையில் மூன்றாவது இடத்தைப் பிடித்துள்ளார். மேலும் அவரது சொத்து மதிப்பு 121 மில்லியன் டாலர்கள் அதிகரித்துள்ள பின்னணியில் அவரது மொத்த சொத்து மதிப்பு 302 பில்லியன் டாலர்கள் என்று கூறப்படுகிறது.
இந்த பட்டியலில் நான்காவது இடத்தில் உள்ள Larry Ellison-ன் சொத்து மதிப்பு 8.2 பில்லியன் டாலர்கள் அதிகரித்து, அவரது சொத்து மதிப்பு 289 பில்லியன் டாலர்கள் என பதிவு செய்யப்பட்டுள்ளது.
உலக பணக்காரர்கள் 10 பேர் பட்டியலில் ஐந்தாவது இடத்தை பிடித்துள்ள பிரான்ஸ் தொழிலதிபர் Bernad Arnault-இன் மொத்த சொத்து மட்டும் 4.27 பில்லியன் டாலர்கள் குறைந்துள்ளது சிறப்பு.
தரவரிசைக் குறியீட்டின்படி, ஆறாவது இடத்தில் உள்ள பில்கேட்ஸின் சொத்து மதிப்பு 2.73 பில்லியன் டாலர்கள் அதிகரித்து, அவரது மொத்த சொத்து மதிப்பு 238 பில்லியன் டாலர்கள்.
குறியீட்டு தரவுகளின்படி, இந்த பட்டியலில் மற்ற பதவிகளில் உள்ள Larry Page, Sergey Brin, Warren Buffet மற்றும் Steve Ballmer ஆகியோரின் சொத்துகளும் அதிபர் தேர்தலில் டொனால்ட் டிரம்ப் வெற்றி பெற்ற பிறகு வளர்ந்துள்ளன.
