கிறிஸ்மஸ் சீசனில் ஆஸ்திரேலியர்களிடையே மிகவும் பிரபலமான “Celebrations” சாக்லேட் பாக்ஸ் இந்த கிறிஸ்துமஸில் ஆஸ்திரேலிய கடைகளில் கிடைக்காது என தெரிவிக்கப்பட்டுள்ளது.
1997 ஆம் ஆண்டு முதல் “Mars” வணிக வலையமைப்பிற்கு சொந்தமான “Celebrations” என்ற வர்த்தகநாமம், இறக்குமதி செலவுகள் அதிகரிப்பதன் காரணமாக அவுஸ்திரேலியாவில் இம்முறை விற்பனை செய்யப்படாது என தெரிவிக்கப்படுகிறது.
இதன்காரணமாக அவுஸ்திரேலியாவில் “Celebrations” விற்பனையை தற்காலிகமாக நிறுத்த தீர்மானிக்கப்பட்டுள்ளதாக Mars business network இன் செய்தி தொடர்பாளர் தெரிவித்துள்ளார்.
“Celebrations” பெட்டிக்குள் Snickers, Bounty, Mars, Galaxy மற்றும் Malteser போன்ற பல சுவையான சாக்லேட்டுகள் இருப்பதாக கூறப்படுகிறது.
டிக் டோக் நட்சத்திரமான ரஸ் ஈட்ஸ், கடந்த ஆண்டு கிறிஸ்துமஸ் சாக்லேட்டில் “Celebrations” முதலிடத்தில் இருந்ததாகக் குறிப்பிட்டுள்ளார்.
எவ்வாறாயினும், அடுத்த ஆண்டு அவுஸ்திரேலியாவில் “Celebrations” விற்பனை செய்ய முடியும் என எதிர்பார்ப்பதாக மார்ஸ் செய்தித் தொடர்பாளர் மேலும் தெரிவித்துள்ளார்.
