விக்டோரியா மாநில அரசு மெல்பேர்ணின் புறநகரில் உள்ள போக்குவரத்து மையங்களுக்கு அருகில் அடுக்குமாடி குடியிருப்புகளை கட்ட திட்டமிட்டுள்ள பின்னணியில் மெல்பேர்ண் நகரம் நான்காம் தர நகரமாக (Fourth – Rate City) மாறலாம் என நகர்ப்புற திட்டமிடல் நிபுணர் ஒருவர் எச்சரித்துள்ளார்.
விக்டோரியா மாநில திட்டமிடல் துறையில் பணியாற்றிய பேராசிரியர் Michael Buxton, விக்டோரியா அரசாங்கத்தின் திட்டம் மலிவு விலையில் வீடுகளை வழங்காது என்று கூறுகிறார்.
இத்திட்டத்தின் மூலம் மக்களை மெல்பேர்ண் நகருக்கு ஈர்க்கக்கூடிய பல விடயங்களும், மெல்பேர்னை வாழ்வதற்கு ஏற்ற நகரமாக மாற்றும் பல விடயங்களும் இழக்கப்படும் என பேராசிரியர் மைக்கேல் பக்ஸ்டன் மேலும் குறிப்பிட்டுள்ளார்.
எவ்வாறாயினும், இந்த விமர்சனங்கள் முற்றிலும் தவறானவை என மாநில திட்டமிடல் அமைச்சர் சோனியா கிகென்னி கூறியுள்ளதுடன், விக்டோரியா மாநில அரசு இந்த அறிக்கைகளுடன் உடன்படவில்லை என தெரிவித்துள்ளது.
மாநில மக்களுக்கு அவர்கள் வசிக்க விரும்பும் வீட்டை வாங்க அல்லது வாடகைக்கு விடுவதற்கான வாய்ப்பை வழங்குவதில் தான் கவனம் செலுத்துவதாக Sonya Kikenny கூறியுள்ளார்.
பொதுப் போக்குவரத்துச் சேவைகளை எளிதில் அணுகக்கூடிய பூங்காக்கள், திறந்தவெளிகள், பணியிடங்கள் மற்றும் பள்ளிகள் உள்ள பகுதியில் மக்கள் வசிக்க விரும்புவதாக மாநில திட்டமிடல் அமைச்சர் மேலும் தெரிவித்துள்ளார்.
