Woolworths பல்பொருள் அங்காடி சங்கிலிக்கு சொந்தமான 4 கடைகளில் பணிபுரியும் 1500 க்கும் மேற்பட்ட ஊழியர்கள் ஊதியம் மற்றும் நிபந்தனைகள் தொடர்பான பிரச்சினையின் அடிப்படையில் வேலைநிறுத்தத்தை ஆரம்பித்துள்ளனர்.
இந்த காலவரையற்ற வேலைநிறுத்தம் காரணமாக விக்டோரியா மாகாணத்தில் உள்ள மூன்று விநியோக மையங்கள் மற்றும் நியூ சவுத் வேல்ஸ் மாநிலத்தில் உள்ள விநியோக மையங்கள் பெரிதும் பாதிக்கப்படும் என தகவல்கள் தெரிவிக்கின்றன.
ஐக்கிய தொழிலாளர் சங்கம் (UWU) ஒரு புதிய பணியிட ஒப்பந்தத்தில் அனைத்து தொழிலாளர்களுக்கும் முதல் ஆண்டில் குறைந்தபட்சம் $38 ஊதியம் வழங்கப்பட வேண்டும் என்று கூறுகிறது.
நிறுவனத்தில் தற்போது நடைமுறையில் உள்ள ஊழியர்களின் செயல்திறனை நிர்வகிப்பதற்கும் மதிப்பீடு செய்வதற்கும் உள்ள முறையை ரத்து செய்ய வேண்டும் என்றும் அவர்கள் கோரிக்கை விடுத்துள்ளனர்.
அதிகரித்து வரும் வாழ்க்கைச் செலவு காரணமாக தொழிலாளர்கள் வாழ்க்கை நடத்த முடியாமல் திணறி வருவதாக ஐக்கிய தொழிலாளர் சங்கத்தின் (UWU) செயலாளர் டிம் கென்னடி தெரிவித்துள்ளார்.
எவ்வாறாயினும், Woolworth வணிக வலையமைப்பைச் சேர்ந்த Primary Connect இன் செய்தித் தொடர்பாளர், கிறிஸ்துமஸுக்கு முன்னர் வாடிக்கையாளர்களுக்கு தேவையான விநியோகத்தை பராமரிப்பதற்கு முன்னுரிமை அளிப்பதாக தெரிவித்துள்ளார்.
