விக்டோரியாவில் வசிப்பவர்களுக்கு வங்கி அட்டைகள், ஸ்மார்ட் போன்கள் மற்றும் ஸ்மார்ட் கைக்கடிகாரங்கள் மூலம் பொதுப் போக்குவரத்துக் கட்டணங்களைச் செலுத்தும் முறை நேற்று முதல் ஆரம்பிக்கப்பட்டுள்ளது.
அடுத்த 6 மாதங்களுக்கு Wangaratta-இல் 4 வழித்தடங்களில் உள்ளூர் பேருந்து சேவைகள் இடம்பெறும் என தெரிவிக்கப்பட்டுள்ளது.
15 வருட ஒப்பந்தக் காலத்தின் கீழ் பொதுப் போக்குவரத்து பயணச்சீட்டு முறையை நவீனப்படுத்துவதற்கு கடந்த வருடம் Conduent Business Service நிறுவனத்திற்கு ஒப்பந்தம் வழங்கப்பட்டதை அடுத்து இந்த புதிய கட்டண முறை வந்துள்ளமையும் விசேட அம்சமாகும்.
புதிய சோதனை முறையின் கீழ், 2 மணிநேர இலக்குக்கு $2.80 மற்றும் ஒரு நாளுக்கு $5.60 வசூலிக்கப்படும் என்று கூறப்பட்டுள்ளது.
எவ்வாறாயினும், ஒவ்வொரு முறையும் பேருந்தில் நுழையும் போது ஒரே அட்டை அல்லது மொபைல் சாதனத்தை பணம் செலுத்த பயன்படுத்தினால் மட்டுமே இந்த கட்டணங்கள் பொருந்தும் என்று மேலும் தெரிவிக்கப்பட்டுள்ளது.
இதன் மூலம் தற்போதைய Myki அட்டை முறை மாறாது என்றும் தெரிவிக்கப்பட்டுள்ளது.
