நியூ சவுத் வேல்ஸ் மாநில அரசு செலுத்தப்படாத 20,000க்கும் மேற்பட்ட கோவிட் 19 அபராதங்களை ரத்து செய்து, அவற்றைச் செலுத்தியவர்களுக்கு அபராதத் தொகையைத் திருப்பித் தர முடிவு செய்துள்ளது.
இரண்டு ஆண்டுகளுக்கு முன்பு, கோவிட் 19 தொற்றுநோய்களின் போது விதிக்கப்பட்ட 62,000 அபராதங்களில் 36,000 ஐ உச்ச நீதிமன்றம் ரத்து செய்ததாகக் கூறப்படுகிறது.
எஞ்சிய அபராதத் தொகையை ரத்து செய்ய நியூ சவுத் வேல்ஸ் அரசு முன்பு மறுத்திருந்ததும் குறிப்பிடத்தக்கது.
மாநில அரசு எடுத்துள்ள இந்த முடிவின்படி, எதிர்காலத்தில் 23,539 அபராதத் தொகையை ரத்து செய்ய நடவடிக்கை எடுக்கப்பட்டுள்ளது.
சட்ட ஆலோசனை மற்றும் செலுத்த வேண்டிய அபராதம் தொடர்பான விவரங்களை ஆய்வு செய்த பின்னர் மாநில அரசு இந்த முடிவை எடுத்துள்ளதாக வாடிக்கையாளர் சேவைத் துறை தெரிவித்துள்ளது.
கோவிட் 19 அபராதத்தின் ஒரு பகுதி அல்லது முழுவதையும் செலுத்தியவர்களுக்கு மொத்த அபராதத் தொகையான 5.5 மில்லியன் டாலர்களை திருப்பிச் செலுத்த நியூ சவுத் வேல்ஸ் அரசாங்கம் திட்டமிட்டுள்ளதாக மேலும் தெரிவிக்கப்பட்டுள்ளது.
