கினியாவில் நடந்த கால்பந்து போட்டியில் நடுவரின் தவறான தீர்ப்புக்கு எதிர்ப்பு தெரிவித்து இரு தரப்பினரிடையே ஏற்பட்ட மோதலில் 56 இற்கும் மேற்பட்டோர் உயிரிழந்துள்ளனர்.
மேற்கு ஆப்பிரிக்க நாடான கினியாவின் 2ஆவது பெரிய நகரம் என்சரிகோர். இங்கு கடந்த 1ம் திகதி உள்ளூர் கால்பந்து போட்டி நடைபெற்றது.
இந்தப் போட்டியினை கண்டுகளிக்க ஆயிரத்திற்கு மேற்பட்ட இரசிகர்கள் ஒன்றுக்கூடினர்.
இந்தப்போட்டி முடிவில் நடுவர் தவறான தீர்ப்பு வழங்கியதால் ஆத்திரமடைந்த ஒரு தரப்பு இரசிகர்கள் மைதானத்திற்குள் நுழைந்தனர். இதனைக் கண்ட எதிர் தரப்பு இரசிகர்களும் மைதானத்திற்குள் புகுந்து இரு தரப்பினரும் மாறி தாக்கிக் கொண்டனர்.
இந்த மோதல் கலவரமாக மாறியது. இதனால் 56இற்கும் மேற்பட்டோர் உயிரிழந்துள்ளதாக தகவல் வெளியாகியுள்ளது.
