“Services Australia” நிறுவனம் அடுத்த சில நாட்களில் தங்களது பல சேவை மையங்கள் மற்றும் கால் சென்டர்கள் மூடப்படும் என அறிவிப்பு வெளியிட்டுள்ளது.
அதன்படி, கிறிஸ்துமஸ், Boxing Day, டிசம்பர் 27 மற்றும் புத்தாண்டு தினங்களில் இந்த கடையடைப்பு நடைபெறும் என தெரிவிக்கப்பட்டுள்ளது.
இந்த விடுமுறைகள் காரணமாக, சில Centrelink நன்மை பெறுபவர்கள், உரிய திகதிக்கு முன் பணம் செலுத்துவதற்காக, பயனாளிகளின் வருமான அறிக்கை திகதிகளைத் திருத்த வேண்டும் என்று தெரிவிக்கப்பட்டுள்ளது.
விடுமுறை நாட்களில் பல Services Australia பணியிடங்கள் மற்றும் அழைப்பு மையங்கள் மூடப்படுவதன் மூலம் Austudy, விவசாய மானியங்கள், வேலை தேடுவோரின் கொடுப்பனவுகள் மற்றும் இளைஞர் சமூகத்திற்கான கொடுப்பனவுகளும் பாதிக்கப்படலாம் என்று மேலும் கூறப்பட்டுள்ளது .
இதுதவிர குடும்ப உதவித்தொகை, ஓய்வூதியம், ஊனமுற்றோர் ஓய்வூதியம், ABSTUDY போன்ற பல கொடுப்பனவுகளும் பாதிக்கப்படலாம் என மேலும் தெரிவிக்கப்பட்டுள்ளது.
வருமான அறிக்கைகளை சமர்ப்பிக்கத் தேவையில்லாத நபர்களுக்கு நன்மைகளைப் பெறுவதற்கு உரிய கொடுப்பனவுகள் வழமையை விட விரைவில் பெற்றுக்கொடுக்கப்படும் என குறிப்பிடப்பட்டுள்ளது.
எவ்வாறாயினும், தொடர்புடைய கொடுப்பனவுகளைப் பெறுவதற்கு வருமான அறிக்கைகளைச் சமர்ப்பிக்க வேண்டியவர்கள், Services Australia இணையத்தளத்தைப் பார்வையிடுவதன் மூலம் திருத்தப்பட்ட திகதிகள் பற்றிய முழுமையான விளக்கத்தைப் பெற முடியும் என்று மேலும் தெரிவிக்கப்பட்டுள்ளது.
