மெல்பேர்ணில் அடையாளம் காணப்பட்ட பாலியல் குற்றவாளி ஒருவர் காணாமல் போனதாக தகவல் வெளியாகியுள்ளது.
கண்காணிப்பு உத்தரவின் கீழ் இருந்த 32 வயதுடைய குற்றவாளியான Theo Briggs நவம்பர் 30ம் திகதி மாலை 6.00 மணிக்குப் பின்னர் St Kilda-இல் காணாமல் போனார்.
இதற்கிடையில், இந்த குற்றவாளியை கண்டுபிடிப்பதற்காக விசேட பொலிஸ் குழுக்கள் தேடுதல் நடவடிக்கைகளை முன்னெடுத்துள்ளதுடன், இவரைக் கண்டுபிடிப்பதற்காக பொலிஸார் பொதுமக்களின் உதவியை எதிர்பார்த்து வருவதாக மேலும் தெரிவிக்கப்பட்டுள்ளது.
இந்த நபர் Mooroopna, Shepparton மற்றும் Beraii ஆகிய பகுதிகளில் அடிக்கடி நேரத்தை செலவிடுவதை பொலிஸார் அடையாளம் கண்டுள்ளதாகவும் தெரிவிக்கப்படுகிறது.
குற்றவாளிக்கு விசேட செய்தியொன்றை விடுத்துள்ள பொலிஸார், அவர் விரைவில் பொலிஸில் சரணடையுமாறும் தெரிவித்துள்ளனர்.
மேலும், இந்த நபரை மறைப்பதற்கு உதவி செய்யும் நபர்கள் மீது கிரிமினல் வழக்குகள் பதிவு செய்யப்படலாம் என்றும் அதிகாரிகள் அறிவித்துள்ளனர்.
தற்போது, இந்த குற்றவாளியின் புகைப்படத்தை ஊடகங்களுக்கு வெளியிட்டுள்ள பொலிஸார், இவரைப் பற்றிய தகவல் தெரிந்தால், 000 என்ற அவசர இலக்கத்தின் ஊடாக அறிவிக்குமாறும் பொலிஸார் கோரியுள்ளனர்.
