ஆஸ்திரேலியாவில் உள்ள கடல் உணவு பிரியர்களுக்கு இந்த பண்டிகைக் காலம் அதிக லாபம் தரும் என்று ஆஸ்திரேலியா கடல் உணவுத் துறை அறிவிப்பு ஒன்றை வெளியிட்டுள்ளது.
அதன்படி, Seafood Lover வாடிக்கையாளர்கள் இம்முறை குறைந்த விலையில் உயர்தர இறால்களை வாங்க முடியும் என ஆஸ்திரேலியா கடல் உணவுத் துறையின் பிரதம நிறைவேற்று அதிகாரி வெரோனிகா பாபகோஸ்டா தெரிவித்தார்.
மெல்பேர்ணில் உள்ள நுகர்வோர் இந்த ஆண்டு இறால் மீது $10 முதல் $20 வரை சேமிக்க முடியும் என்றும் குறிப்பிடப்பட்டுள்ளது.
இறால் நிறுவனங்கள் வெளியிட்டுள்ள அறிக்கையில், ஒரு கிலோ நடுத்தர அளவிலான இறால் தற்போது $29.99 முதல் $35 வரை விற்பனையாகிறது.
மேலும் ஒரு கிலோ பெரிய அளவிலான இறால் $40 முதல் $50 வரை இருக்கும், அதே சமயம் ஒரு கிலோ இறாலின் விலை கடந்த ஆண்டு இந்த காலகட்டத்தில் $60 முதல் $65 வரை மதிப்பிடப்பட்டது.
எவ்வாறாயினும், விலை குறைப்பினால் உணவின் தரத்திற்கு எந்த பாதிப்பும் ஏற்படவில்லை என ஆஸ்திரேலியா கடல் உணவு நிறுவனம் தெரிவித்திருந்தது.
உயர்தர தயாரிப்புகள் பல்பொருள் அங்காடிகள் மற்றும் ஆன்லைன் இணையதளங்களில் ஏராளமாக கிடைக்கின்றன. மேலும் கடல் உணவுத் தொழில் இந்த பண்டிகைக் காலத்தில் சாதனை லாபத்தை ஈட்டும் என்று எதிர்பார்க்கப்படுகிறது.
