ஒரு நாளைக்கு ஒரு chocolate bar அல்லது ஒரு பாக்கெட் chips சாப்பிடுவதன் மூலம், ஒரு நபரின் உயிரியல் வயது (Biological Age) சில மாதங்களில் அதிகரிக்கிறது என்று சமீபத்திய ஆய்வில் தெரியவந்துள்ளது.
மெல்பேர்ணில் உள்ள மோனாஷ் பல்கலைக்கழகத்தைச் சேர்ந்த ஒரு ஆய்வுக் குழு, இயற்கையான வயதான செயல்முறைக்கும் உயிரியல் வயதுக்கும் இடையிலான உறவைப் படிக்கும் நோக்கத்துடன் இந்த ஆய்வை நடத்தியது.
இங்கு, அமெரிக்காவில் வசிக்கும் 16,000 பேரின் தினசரி உணவு குறித்து சிறப்பு கவனம் செலுத்தப்பட்டுள்ளது.
அதன்படி, 2000 கலோரி உணவில் 10% கலோரிகள் பிஸ்கட், செயற்கை பானங்கள், இன்ஸ்டன்ட் நூடுல்ஸ் போன்ற உணவுகளில் இருந்து வந்தால், அந்த உணவை உண்பவருக்கு உயிரியல் ரீதியாக சுமார் 2.4 மாதங்கள் வயதாகிவிடும் என்பது இந்த ஆய்வின் மூலம் தெரியவந்துள்ளது.
இந்தப் பின்னணியில், ஆஸ்திரேலிய பெரியவர்களில் 40% பேர் செயற்கையாக பதப்படுத்தப்பட்ட உணவுகளை உட்கொள்வதாக கார்டோசோ சுட்டிக்காட்டுகிறார்.
உணவுப் பொட்டலங்களில் பயன்படுத்தப்படும் இரசாயனங்கள் மற்றும் செயற்கையாக தயாரிக்கப்பட்ட உணவுகளில் இருந்து தயாரிக்கப்படும் கலவைகள் போன்றவற்றால் மனிதனின் உயிரியல் வயது அதிகரிக்கும் என்பது இந்த ஆய்வின் மூலம் மேலும் தெரியவந்துள்ளது.
