இந்த ஆண்டின் தொடக்கத்தில் 000 அவசரநிலை அழைப்புகளை இணைப்பதில் ஏற்பட்ட தொழில்நுட்பப் பிழை காரணமாக Telstra-விற்கு $3 மில்லியனுக்கு மேல் அபராதம் விதிக்கப்பட்டது.
இந்த நிலை மார்ச் 1 ஆம் திகதி எழுந்தது. சுமார் 127 அழைப்புகளை அவசர சிகிச்சைப் பிரிவில் இணைக்க முடியவில்லை.
இந்நிலையில், ஆஸ்திரேலிய தகவல் தொடர்பு மற்றும் ஊடக ஆணையம் (Australian Communications and Media Authoriy) நடத்திய விசாரணையில், 90 நிமிடங்களில் Telstra நிறுவனம் சுமார் 473 சட்ட மீறல்களை செய்துள்ளது தெரியவந்துள்ளது .
எனினும், குறித்த நிறுவனம், காப்புத் தொலைபேசி இலக்கங்களைப் பயன்படுத்தி, குறித்த தொலைபேசி இலக்கங்களை, குறித்த சேவைகளுடன் இணைக்க முயற்சித்துள்ளதாக விசாரணையில் தெரியவந்துள்ளது.
அவர்களால் 346 அழைப்புகளை வெற்றிகரமாக அனுப்ப முடிந்த போதிலும், சம்பந்தப்பட்ட அழைப்பாளர்களின் தகவல்களையும் அவர்களின் இருப்பிடங்களையும் அவசர அழைப்புப் பிரிவுக்கு வழங்க நிறுவனம் தவறிவிட்டதாக இந்த விசாரணையின் மூலம் மேலும் தெரியவந்துள்ளது.
Telstra CEO Vicky Broad, பதற்றமான சூழ்நிலையில் 000 அவசர எண்ணைத் தொடர்பு கொள்ள முயன்றபோது மாரடைப்பால் மரணமடைந்த மெல்பேர்ண் நபரின் குடும்பத்தினரிடமும், பாதிக்கப்பட்ட அனைவருக்கும் மன்னிப்புக் கோருவதாகக் கூறியுள்ளார்.
