இந்த கிறிஸ்துமஸுக்கு செலவு செய்வதைக் குறைத்துள்ள ஆஸ்திரேலியர்கள்

இந்த பண்டிகைக் காலத்தில் ஆஸ்திரேலியர்களின் செலவுகள் குறித்த தரவு அறிக்கை வெளியிடப்பட்டுள்ளது.

அதன்படி, அதிகரித்து வரும் வாழ்க்கைச் செலவு காரணமாக கடந்த ஆண்டை விட இந்த ஆண்டு 1.6 பில்லியன் டாலர்கள் குறைவாகவே அவுஸ்திரேலியர்கள் செலவிடுவார்கள் என எதிர்பார்க்கப்படுகிறது.

இந்த கிறிஸ்துமஸில் சராசரி ஆஸ்திரேலியர் $1,357 செலவழிக்கிறார் என்று Finder இன் ஆராய்ச்சி வெளிப்படுத்தியுள்ளது.

இந்த ஆண்டு மொத்தமாக 28.4 பில்லியன் டாலர்களை ஆஸ்திரேலியர்கள் செலவிடுவார்கள் என்று மதிப்பிடப்பட்டுள்ளது.

எவ்வாறாயினும், கடந்த ஆண்டு, கிறிஸ்மஸ் சீசனுக்காக அவுஸ்திரேலியர் ஒருவரின் சராசரி செலவு 1479 டொலர்களாக பதிவாகியிருந்ததுடன், நாடு முழுவதும் வாழும் அவுஸ்திரேலியர்கள் கிறிஸ்மஸ் சீசனுக்காக 30 பில்லியன் டொலர்களை செலவிட்டுள்ளதாக அறிக்கைகள் மூலம் மேலும் தெரியவந்துள்ளது.

இந்நிலையில், நிதி நிலைமையை கருத்தில் கொண்டு ஆஸ்திரேலிய குடும்பங்கள் இந்த ஆண்டு கிறிஸ்துமஸ் பட்ஜெட்டில் இருந்து சுமார் 122 டாலர்களை குறைத்துள்ளதாக Finder-ன் நிதி நிபுணர் சாரா மெகின்சன் கருத்து தெரிவித்துள்ளார்.