இந்த ஆண்டு அவுஸ்திரேலிய பெண்கள் அதிகளவில் வன்முறைக்கு ஆளாகியுள்ளதாக சமீபத்திய தரவு அறிக்கைகள் மூலம் தெரியவந்துள்ளது.
அதன்படி, அவுஸ்திரேலியாவில் 2024ஆம் ஆண்டின் தொடக்கத்தில் இருந்து தற்போது வரை வன்முறையால் பாதிக்கப்பட்டு உயிரிழந்த பெண்களின் எண்ணிக்கை 100 ஆக அதிகரித்துள்ளதாக பொலிஸ் தரவுகள் தெரிவிக்கின்றன.
இந்நிலையில், ஆஸ்திரேலியன் ஃபெமிசைட் வாட்ச் நிறுவனர் Sherele Moody, தனது சமூக வலைதளக் கணக்கில் ஒரு குறிப்பை வெளியிட்டு, பெண்களுக்கு எதிரான வன்முறைகள் அதிகரித்து வருவதாக வலியுறுத்தியுள்ளார்.
இவ்வாறானதொரு பின்னணியில் கடந்த ஏப்ரல் 28ஆம் திகதி அவுஸ்திரேலியாவின் பிரதமர் Anthony Albanese பெண்களுக்கு எதிரான வன்முறைகள் தேசிய நெருக்கடியாக மாறியுள்ளதாக தெரிவித்துள்ளார்.
அதன்படி, கடந்த மே மாதம் பிரதமரும், மத்திய சமூக சேவைகள் அமைச்சர் அமண்டா ரிஷ்வொர்த் நடத்திய செய்தியாளர் சந்திப்பில், பெண்களுக்கு எதிரான வன்முறைகளைத் தடுப்பதற்கு மேற்கொள்ள வேண்டிய கூடுதல் நடவடிக்கைகள் வெளிப்படுத்தப்பட்டிருந்தமை குறிப்பிடத்தக்கது.
925.2 மில்லியன் டாலர் ஐந்தாண்டு முதலீட்டின் மூலம் வன்முறையை விட்டு வெளியேறும் திட்டம் நிரந்தரமாக தொடங்கப்படும் என்று மத்திய அரசு வலியுறுத்தியுள்ளது.
