ஆஸ்திரேலியாவில் குறைந்த ஊதியம் செலுத்தும் முதலாளிகளுக்கு இனி என்ன நடக்கும்?

ஆஸ்திரேலியாவில் உழைக்கும் மக்களுக்கு வேலை வாய்ப்பு தொடர்பான உரிமைகளை வேண்டுமென்றே குறைவாக செலுத்தும் அல்லது கொடுக்கத் தவறிய ஆஸ்திரேலிய நிறுவனங்களுக்கு எதிராக சட்டத்தை கடுமையாக அமல்படுத்தப்போவதாக மத்திய அரசு அறிவித்துள்ளது.

அதன்படி, 2025ம் ஆண்டு ஜனவரி 1ம் தேதி முதல் ஊழியர்களுக்கு குறைந்த ஊதியம் வழங்கும் நிறுவன உரிமையாளர்கள் மீது கடுமையான சட்ட நடவடிக்கை எடுக்கப்படும் என தெரிவிக்கப்பட்டுள்ளது.

ஊழியர்களுக்கு உரிய சம்பளம் வழங்கப்படாமை இன்று முதல் கிரிமினல் குற்றமாக கருதப்படும் என மேலும் தெரிவிக்கப்பட்டுள்ளது.

வேண்டுமென்றே தங்கள் பணிக்கு ஏற்றவாறு ஊதியத்தை குறைக்கும் ஆஸ்திரேலிய நிறுவனங்களின் உரிமையாளர்களுக்கு எதிராக கிரிமினல் வழக்குகளை பதிவு செய்யவும் இன்று முதல் ஊழியர்கள் வாய்ப்பு பெறுகின்றனர்.

குற்றவியல் வழக்கு தொடர்பான குற்றத்திற்காக ஒரு நிறுவனத் தலைவர் நீதிமன்றத்தால் குற்றவாளி என நிரூபிக்கப்பட்டால், அவருக்கு அபராதம் அல்லது சிறைத்தண்டனை அல்லது இரண்டும் விதிக்கப்படும் என்று தெரிவிக்கப்பட்டுள்ளது.

மத்திய பணியிட உறவுகளுக்கான அமைச்சர் முர்ரே வாட் கூறுகையில், இந்தக் குற்றத்தில் ஈடுபடும் முதலாளிகளுக்கு குறைந்தது 10 ஆண்டுகள் சிறைத்தண்டனை விதிக்கப்படும்.

அமைப்பு சிறியதாக இருந்தாலும் பெரியதாக இருந்தாலும் சட்டம் அனைவருக்கும் பொதுவானது எனவும், அவுஸ்திரேலியாவில் பணிபுரியும் ஊழியர்கள் கௌரவமான சேவையில் ஈடுபடுவதற்கான வாய்ப்பை வழங்குவதே இதன் நோக்கம் எனவும் மேலும் தெரிவிக்கப்பட்டுள்ளது.