ஆஸ்திரேலியாவின் வீட்டு நெருக்கடி தொடர்பான பல உண்மைகளை வெளிப்படுத்தும் புதிய ஆய்வு அறிக்கை வெளியாகியுள்ளது.
“Big Youth Survey” என்றழைக்கப்படும் இந்த கணக்கெடுப்பை ஆஸ்திரேலிய EdTech அமைப்பின் “Year 13” நடத்தியது.
அதற்கு அவுஸ்திரேலிய இளைஞர் சமூகம் பங்களிப்பு வழங்கியுள்ளதாக தெரிவிக்கப்படுகின்றது.
மூன்று ஆஸ்திரேலியர்களில் ஒருவர் தங்கள் வாழ்நாள் முழுவதும் குத்தகைதாரராக வாழ வேண்டும் என்று நம்புவதாக கணக்கெடுப்பின் முடிவுகள் தெரிவிக்கின்றன.
கணக்கெடுப்பில் பங்கேற்ற 18-24 வயதுக்குட்பட்ட ஆஸ்திரேலியர்களில் 36% பேர் தங்களால் வீட்டின் உரிமையைப் பெற முடியாது என்று கருத்து தெரிவித்துள்ளனர்.
கணக்கெடுப்பில் பங்களித்தவர்களில் சுமார் 25% பேர் இன்னும் தங்கள் பெற்றோருடன் வாழ்கின்றனர் என்றும் குறிப்பிடப்பட்டுள்ளது.
கணக்கெடுப்பில் பங்கேற்ற 25-29 வயதுக்கு இடைப்பட்ட நான்கு ஆஸ்திரேலியர்களில் ஒருவர் பெற்றோரின் வீட்டை விட்டு வெளியேற எதிர்பார்ப்பதாக தெரியவந்துள்ளது.
இருப்பினும், அவர்களில் சுமார் 3% பேர் தற்போதைய வீட்டை விட்டு வெளியேற விரும்பவில்லை என்று வலியுறுத்தியுள்ளனர்.
அதிகரித்து வரும் வீட்டு விலைகளை கருத்தில் கொண்டு, நிரந்தர தீர்வாக வாடகை வீடுகள் மீது பலர் தனி கவனம் செலுத்தி வருகின்றனர்.
