Australian Open Tennis போட்டியை காண மெல்பேர்ணில் பல கூடுதல் பொது போக்குவரத்து சேவைகளை சேர்க்க நடவடிக்கை எடுக்கப்பட்டுள்ளது.
இரண்டு வார கால விளையாட்டு நிகழ்வுகளில் பெருமளவிலான மக்கள் கலந்துகொள்வார்கள் என எதிர்பார்க்கப்படுகிறது மற்றும் மெல்பேர்ணின் போக்குவரத்து சேவைகள் ஜனவரி 12 முதல் விரிவுபடுத்தப்படும்.
மெல்பேர்ண் பூங்காவிற்கு வருகை தரும் விளையாட்டு ரசிகர்களுக்காக Tram சேவையில் சுமார் 4500 புதிய சேவைகள் அறிவிக்கப்பட்டுள்ளதாக தெரிவிக்கப்பட்டுள்ளது.
போட்டியின் பரபரப்பான காலகட்டத்தில், இரண்டு முதல் மூன்று நிமிடங்களுக்கு ஒருமுறை டிராம்கள் இயக்கப்படுகின்றன. மேலும் போட்டி டிக்கெட் வைத்திருப்பவர்கள் மற்றும் ஊழியர்களுக்கு இந்த சேவை இலவசம் என்று கூறப்படுகிறது.
இந்த சேவைகள் 70 வழித்தடங்களில் செயல்படும் என்றும் கூடுதல் Trams Federal Squareல் இருந்து அதிகாலை 2 மணி வரை இயக்கப்படும் என்றும் தெரிவிக்கப்பட்டுள்ளது.
2024ஆம் ஆண்டு போட்டியை காண வருகை தந்த பார்வையாளர்களின் சாதனை எண்ணிக்கைக்கு தேவையான அனைத்து போக்குவரத்து வசதிகளையும் வழங்க விக்டோரியாவின் போக்குவரத்து அமைச்சு நடவடிக்கை எடுத்திருந்தது.
இம்முறையும் அதே சேவைகள் விளையாட்டு ரசிகர்களின் வசதிக்காகவும் பாதுகாப்பிற்காகவும் இயக்கப்படும்.
