Time out இதழ் உலகின் 50 சிறந்த பல்கலைக்கழகங்களில் 20 மிக அழகான பல்கலைக்கழகங்களை வெளியிட்டுள்ளது.
Instagram மற்றும் TikTok சமூக ஊடகங்களில் # tag (Hashtag) பயன்படுத்தி வெளியிடப்பட்ட புகைப்படத் தரவுகளின்படி இந்த தரவரிசை செய்யப்பட்டுள்ளது.
இந்த தரவுகளை Time out சஞ்சிகை முன்வைத்துள்ளதுடன், கடந்த 12 மாதங்களில் சமூக ஊடகங்களில் பதிவான தகவல்களின் அடிப்படையில் இந்த தரப்படுத்தல் செய்யப்பட்டுள்ளதாக தெரிவிக்கப்பட்டுள்ளது.
அதன்படி, கலிபோர்னியா பல்கலைக்கழகம் சமூகத்தில் மிகவும் அழகாகவும் பேசப்படும் பல்கலைக்கழகமாகவும் முதல் இடத்தைப் பிடித்துள்ளது.
அந்த பல்கலைக்கழகம் தொடர்பாக 2 மில்லியனுக்கும் அதிகமான சமூக ஊடக பதிவுகள் இருப்பதாக தெரிவிக்கப்பட்டுள்ளது.
ஆஸ்திரேலியாவில் உள்ள 2 பல்கலைக்கழகங்கள் உலகின் மிக அழகான பல்கலைக்கழக தரவரிசையில் சேர்க்கப்பட்டுள்ளன. அதன்படி சிட்னி பல்கலைக்கழகம் 18வது இடத்தையும், மெல்போர்ன் பல்கலைக்கழகம் 20வது இடத்தையும் பெற்றுள்ளது.
