வரும் நாட்களில், மெல்பேர்ண் குடியிருப்பாளர்கள் இலவசமாக பங்கேற்கும் விழாக்கள் குறித்த அறிவிப்பு வெளியிடப்பட்டுள்ளது.
மேலும் இது குறித்த தகவலை Melbourne.Victoria இணையதளம் வெளியிட்டுள்ளது.
அதன்படி, மெல்பேர்ணில் ஜனவரி 19ஆம் திகதி தொடங்கும் Midsumma விழாவில் இலவசமாகவும் பங்கேற்கலாம் என்று தெரிவிக்கப்பட்டுள்ளது.
இதேவேளை, பெப்ரவரி 1ஆம் திகதி முதல் பெப்ரவரி 28ஆம் திகதி வரை நடைபெறவுள்ள National Sustainability விழாவில் இலவசமாக பங்கேற்க மெல்பேர்ன் வாசிகளுக்கு வாய்ப்பு வழங்கப்பட்டுள்ளது.
பெப்ரவரி 02 ஆம் திகதி நடைபெறவுள்ள மெல்பேர்ண் சீன சந்திர புத்தாண்டு விழா மற்றும் பெப்ரவரி 09 ஆம் திகதி Fed Square-இல் நடைபெறும் Luna New Year விழாவும் அந்த நிகழ்வுகளில் அடங்கும் என்றும் கூறப்படுகிறது.
மேலும், பெப்ரவரி 15ஆம் திகதி நடைபெறவுள்ள Afro – Caribbean Carnival மற்றும் மார்ச் 15ஆம் திகதி நடைபெறவுள்ள நேபாள திருவிழாவில் மெல்பேர்ண் மக்கள் இலவசமாக பங்குபற்ற முடியும் எனவும் தெரிவிக்கப்பட்டுள்ளது.
