வேல்ஸ் இளவரசி கேட் மிடில்டன் புற்றுநோயில் இருந்து குணமடைந்து வருவதாக இன்று அறிவிக்கப்பட்டுள்ளது.
கடந்த ஜனவரி மாதம், புற்றுநோய்க்கான சிகிச்சையில் இருப்பதாக அவர் அறிவித்தார்.
இந்த ஆண்டின் தொடக்கத்தில் அவருக்கு சிகிச்சை அளிக்கப்பட்ட ராயல் மார்ஸ்டன் மருத்துவமனை, அவரது புற்றுநோய் நிவாரணத்தில் இருப்பதாக அறிவித்தது.
பிரித்தானிய சிம்மாசனத்தின் வாரிசு இளவரசர் வில்லியமின் மனைவி கேட் மிடில்டன் சமூக வலைதளங்களில் ஒரு குறிப்பை வெளியிட்டார்.
42 வயதான இளவரசி கேட் தனக்கும், தன் குடும்பத்தினருக்கும் உதவிய அனைவருக்கும் நன்றி தெரிவித்துள்ளார்.
கென்சிங்டன் அரண்மனை அலுவலகத்துடன் அவர் படிப்படியாக மக்கள் தொடர்புக்கு திரும்புவார் என்பதும் உறுதிப்படுத்தப்பட்டுள்ளது.
நோயாளியாக இருந்த காலம் முழுவதும் தனக்கு கிடைத்த கவனிப்பு மற்றும் ஆலோசனைக்காக அங்கிருந்த அனைத்து தரப்பினருக்கும் நன்றி தெரிவித்தார்.
உடல் நலக்குறைவு காரணமாக சில காலம் பொது மக்களிடம் இருந்து ஒதுங்கி இருந்த அவர், மீண்டும் மக்களிடம் திரும்பப் போவதாக அறிவித்ததும் பலரும் மகிழ்ச்சியை வெளிப்படுத்தினர்.
