அமெரிக்காவின் SpaceX நிறுவனத்தினுடைய Starship ரொக்கெட் விண்ணில் ஏவப்பட்ட சில நிமிடங்களில் வெடித்துச் சிதறியது.
ரொக்கெட் வெடித்துச் சிதறியதைத் தொடர்ந்து Gulf of Mexico வழியே செல்லக்கூடிய விமானங்களை மாற்று வழியில் இயக்க வலியுறுத்தப்பட்டன.
விண்ணில் ஏவப்பட்ட எட்டு நிமிடங்களுக்கு பிறகு SpaceX mission கட்டுபாட்டு மையத்துடனான தொடர்பை இழந்தது.
“Starship ரொக்கெட் உடனான அனைத்து தகவல்தொடர்புகளையும் நாங்கள் இழந்துவிட்டோம்” – என்று SpaceX நிறுவனத்தின் தகவல் தொடர்பு முகாமையாளர் டான் ஹூட் தெரிவித்தார். இதைத் தொடர்ந்து அவர் Starship தொலைந்து போனதை உறுதிப்படுத்தினார்.
Flightradar24 தளத்தின் பதிவுகளின் அடிப்படையில், குறைந்தது 20 வணிக விமானங்கள் மற்ற விமான நிலையங்களுக்குத் திருப்பி விடப்பட்டன. விமானங்களின் மீது குப்பைகள் விழுவதை தவிர்க்கவே பாதை மாற்றியமைக்கப்பட்டன.
