அடுத்த கூட்டாட்சித் தேர்தலுக்கு முன்னதாக, தனது அமைச்சரவையில் சில சிறப்பு மாற்றங்களைச் செய்யவுள்ளதாக அவுஸ்திரேலியாவின் பிரதமர் அந்தோனி அல்பானீஸ் அறிவித்துள்ளார்.
NDIS அமைச்சர் மற்றும் பொது சேவை அமைச்சராக பதவி வகித்த பில் ஷார்ட்டன் அடுத்த வாரம் மத்திய பாராளுமன்றத்தில் இருந்து விலகுவார் என்ற அறிவிப்பை தொடர்ந்து இது வெளியாகியுள்ளது.
எதிர்வரும் திங்கட்கிழமை காலை நடைபெறவுள்ள பதவியேற்பு நிகழ்வின் பின்னர் இந்த மாற்றங்கள் உத்தியோகபூர்வமாக அறிவிக்கப்படும் என பிரதமர் குறிப்பிட்டுள்ளார்.
இதன்படி, தற்போது சமூக சேவைகள் அமைச்சராக பதவி வகிக்கும் அமண்டா ரிஷ்வொர்த்துக்கு NIDS அமைச்சர் பதவியும் வழங்கப்படவுள்ளது.
தற்போது நிதியமைச்சராக கடமையாற்றி வரும் Katy Gallagher-இற்கு எதிர்காலத்தில் பொதுப்பணித்துறை அமைச்சர் பொறுப்பும் வழங்கப்படவுள்ளது.
இதேவேளை, தேசிய ஊனமுற்றோர் காப்புறுதித் திட்டத்திற்கு ஆதரவளிக்கும்
பொறுப்பு இளைஞர் அமைச்சர் (Youth Minister) Anne Aly-இற்கு வழங்கப்பட்டுள்ளதாகவும் தெரிவிக்கப்படுகிறது .
இந்த அமைச்சர்கள் தற்போது வகிக்கும் அமைச்சுக்களுக்கு மேலதிகமாக புதிய பதவிகளில் பொறுப்புக்களை ஏற்க வேண்டும் என மேலும் தெரிவிக்கப்பட்டுள்ளது.
