அமெரிக்க உச்ச நீதிமன்றம் பிறப்பித்த தடை நடைமுறைக்கு வருவதற்கு முன்பு, அரசாங்கம் தலையிடாவிட்டால், ஞாயிற்றுக்கிழமை முதல் அமெரிக்காவில் தனது சமூக ஊடக தளம் இயங்காது என்று TikTok நிறுவனம் தெரிவித்துள்ளது.
சுப்ரீம் கோர்ட் தீர்ப்புக்கு பிறகு நிறுவனம் அறிக்கை ஒன்றை வெளியிட்டு இதனை தெரிவித்துள்ளது.
TikTok-இன் சேவையை அணுகுவதற்கான சான்றிதழை தங்கள் நிறுவனத்திற்கு வழங்க வெள்ளை மாளிகை மற்றும் நீதித்துறை தவறிவிட்டதாக அவர்கள் குறிப்பிடுகின்றனர்.
சமூக ஊடக தளமான TikTok மீது விதிக்கப்பட்ட தடையை மீறி அவர்கள் செயல்பட்டால், வீடியோ செயலிக்கு அபராதம் விதிக்கப்படாமல் இருப்பதை உறுதி செய்ய அரசாங்கம் உடனடியாக தலையிட வேண்டும் என்று நிறுவனம் தெரிவித்துள்ளது.
ஆனால் அமெரிக்க அரசாங்கம் அத்தகைய உத்தரவாதத்தை வழங்கத் தவறினால், உச்ச நீதிமன்ற உத்தரவு ஜனவரி 19 முதல் 170 மில்லியன் பயனர்களுக்குப் பொருந்தாது.
இந்த தடையானது, ஏற்கனவே தங்கள் தொலைபேசிகளில் செயலியை பதிவிறக்கம் செய்த TikTok பயனர்களை பாதிக்காது என முதலில் நம்பப்பட்டது.
ஆனால், TikTok-இன் புதிய அறிக்கை, தற்போதுள்ள அனைத்து பயனர்களுக்கும் அதைப் பதிவிறக்க முயற்சிக்கும் நபர்களுக்கும் இந்த செயலி வேலை செய்யாமல் போகலாம் என்று கூறுகிறது.
இதற்கிடையில், அமெரிக்க TikTok படைப்பாளிகள், வரவிருக்கும் தடைக்கு முன்னதாக தங்களைப் பின்தொடர்பவர்களுக்கு விடைபெறும் வகையில் வீடியோக்களை அப்ளிகேஷனில் பதிவிட்டு வருவதாக வெளிநாட்டு ஊடகங்கள் மேலும் தெரிவித்துள்ளன.
