ஆஸ்திரேலிய தின நீண்ட வார இறுதிக்கு விமானங்களை முன்பதிவு செய்துள்ள ஆஸ்திரேலியர்களுக்கு விமான நிலைய தாமதங்கள் குறித்து எச்சரிக்கை விடுக்கப்பட்டுள்ளது.
அதன்படி, சிட்னி, பிரிஸ்பேர்ண் மற்றும் மெல்பேர்ண் விமான நிலையங்களில் தாமதம் ஏற்படும்.
பல சம்பள நிபந்தனைகளின் அடிப்படையில் விமான நிலைய தரைப் பணியாளர்கள் குழுவினால் ஆரம்பிக்கப்பட்ட தொழில்சார் நடவடிக்கையினால் இந்த நிலைமை ஏற்பட்டுள்ளது.
விமான நிறுவனமான Dnata, தனது பணியமர்த்தப்பட்ட ஊழியர்களின் ஊதியம் மற்றும் பணி நிலைமைகள் தொடர்பான நீண்டகால தகராறுகளுக்காக இந்த வேலைநிறுத்தத்தைத் தொடங்கியுள்ளது.
சிட்னி, பிரிஸ்பேன் மற்றும் மெல்போர்ன் விமான நிலையங்களில் இன்று நான்கு மணி நேரம் வேலையில் இருந்து வெளியேற தொழில் நடவடிக்கையில் ஈடுபட்டுள்ள தொழிலாளர்கள் முடிவு செய்துள்ளதாக கூறப்படுகிறது .
இருப்பினும், குவாண்டாஸ் உள் சேவைகள் பாதிக்கப்படவில்லை என தெரிவிக்கப்பட்டுள்ளது.
இதனால் சிட்னி, மெல்போர்ன், பிரிஸ்பேன் ஆகிய விமான நிலையங்களுக்கு இடையூறுகள் ஏற்படுவதுடன் விமானங்கள் தாமதமாகச் செல்ல நேரிடும் என போக்குவரத்து தொழிலாளர் சங்கத்தின் தேசிய செயலாளர் மைக்கேல் கேன் இன்று காலை தெரிவித்தார்.
