கோல்ஸ் பல்பொருள் அங்காடிகளில் விற்கப்படும் குழந்தைகள் வரைவதற்குப் பயன்படுத்தப்படும் Digital Tab சாதனமானது “கடுமையான அல்லது அபாயகரமான காயங்களை ஏற்படுத்தும்” என்ற அச்சம் காரணமாக திரும்ப அழைக்கப்பட்டது.
The VTronix digital drawing tablet எனப்படும் சாதனமே இவ்வாறு திரும்ப அழைக்கப்படுகிறது.
Tab சாதனம் இளஞ்சிவப்பு மற்றும் நீல நிறங்களில் கோல்ஸ் கடைகளில் விற்கப்பட்டது.
டிசம்பர் 30, 2024 முதல் இந்த ஆண்டு ஜனவரி 10 வரை கோல்ஸ் கடைகளில் விற்பனை செய்யப்பட்ட இந்த சாதனத்தின் பேட்டரி பாதுகாப்பாக இல்லாத காரணத்தால் இந்த ரீகால் எடுக்கப்பட்டுள்ளதாக தெரிவிக்கப்பட்டுள்ளது.
Safety Australia, பேட்டரி பாதுகாப்பாக இல்லை என்றும், சிறிய குழந்தைகள் எளிதாக அணுக முடியும் என்றும் சுட்டிக்காட்டியுள்ளது.
குழந்தைகள் தற்செயலாக பேட்டரிகளை விழுங்கினால் மூச்சுத்திணறல், கடுமையான உள் தீக்காயங்கள் அல்லது இறக்க நேரிடலாம் என்று கூறப்பட்டுள்ளது.
ஏற்கனவே இந்த தயாரிப்புகளை வாங்கிய நுகர்வோர் உடனடியாக தயாரிப்புகளைப் பயன்படுத்துவதை நிறுத்திவிட்டு, பணத்தைத் திரும்பப்பெறுவதற்காக வாங்கிய இடத்திற்குத் திருப்பி அனுப்ப வேண்டும்.
