அவுஸ்திரேலியாவின் குயின்ஸ்லாந்து மாகாணத்தின் பல பகுதிகளில் இன்று சூறாவளியுடன் கூடிய கனமழை பெய்யும் என வானிலை ஆய்வு மையம் தெரிவித்துள்ளது.
கெய்ர்ன்ஸ் மற்றும் அயர் நகரங்களில் நேற்றிரவு முதல் (Cairns, Ayr town) பெய்து வரும் கனமழை காரணமாக அந்த பகுதிகளில் திடீர் வெள்ளப்பெருக்கு ஏற்படக்கூடும் என வானிலை ஆய்வு மையம் எச்சரித்துள்ளது.
வடக்கு குயின்ஸ்லாந்தின் கரையோரப் பகுதிகளில் 24 மணி நேரத்தில் 200 முதல் 300 மிமீ மழை பெய்யக்கூடும் என்றும் அவர்கள் குறிப்பிடுகின்றனர்.
அடுத்த ஏழு நாட்களில் காசோவரி கடற்கரையில் 1,000 மில்லிமீற்றர் மழை பெய்யும் என முன்னறிவிப்பாளர்கள் தெரிவித்துள்ளனர்.
குயின்ஸ்லாந்து மாநிலத்தின் சில பகுதிகளில் ஆற்று நீர் மட்டம் உயர்ந்துள்ளதாகவும், திடீர் வெள்ளப்பெருக்கு ஏற்பட வாய்ப்புள்ளதால் பேரிடர் மேலாண்மை அதிகாரிகள் உஷார் நிலையில் இருப்பதாகவும் தெரிவிக்கப்பட்டுள்ளது.
இருப்பினும், 30 முதல் 42 டிகிரி செல்சியஸ் வரையிலான கடுமையான வெப்பநிலை நியூ சவுத் வேல்ஸ் மற்றும் விக்டோரியா மாநிலங்களை ஏற்கனவே பாதித்துள்ளது.
