ஆஸ்திரேலியாவில் உள்ள பல்கலைக்கழகம் ஒன்று ஆளில்லா விமானங்களை இயக்குவது தொடர்பான பட்டப்படிப்பை தொடங்க தயாராகி வருகிறது.
இந்த திட்டம் நியூ சவுத் வேல்ஸ் பல்கலைக்கழகத்தால் செயல்படுத்த வடிவமைக்கப்பட்டுள்ளது.
இதில் 40 மணிநேர நடைமுறை ஆளில்லா விமானம் பறக்கும் பயிற்சியும் அடங்கும் என்று கூறப்படுகிறது.
மேலும், Surf Lifesaving நிறுவனத்துடன் இணைந்து காணாமல் போன நீச்சல் வீரர்களைத் தேடுவதற்கும், சுறாமீன்களைக் கண்டறிவதற்கும் ஆளில்லா விமானங்களை எவ்வாறு பயன்படுத்துவது என்பது குறித்து பயிற்சி அளிக்க திட்டமிடப்பட்டுள்ளது.
இந்த பட்டப்படிப்பு திட்டத்தின் மூலம், வெள்ளம் மற்றும் காட்டுத் தீ போன்ற அவசரகால சூழ்நிலைகளில் உதவுவதற்கு ட்ரோன்கள் எவ்வாறு பயன்படுத்தப்படுகின்றன என்பதைப் பற்றிய விரிவான புரிதலைப் பெறுவதற்கான வாய்ப்பையும் மாணவர்கள் பெறுவார்கள்.
இந்த புதிய தொழில்நுட்பத்தின் அடிப்படையில், தற்போதைய மற்றும் எதிர்கால பிரச்சனைகளை தீர்க்கும் தலைவர்களை உருவாக்குவது முக்கியம் என நியூ சவுத் வேல்ஸ் பல்கலைக்கழக ஏவியேஷன் பள்ளியின் தலைவர் பிரெட்டி மோல்ஸ்வொர்த் மேலும் தெரிவித்துள்ளார்.
