உலகில் மிகவும் கண்ணியமான ஓட்டுநர்களைக் கொண்ட நாடுகள் பற்றி சமீபத்தில் ஒரு ஆய்வு நடத்தப்பட்டுள்ளது.
DiscoverCars.com நடத்திய இந்த ஆய்வுக்காக ஆயிரத்துக்கும் மேற்பட்ட ஓட்டுனர்கள் தொடர்பு கொள்ளப்பட்டுள்ளதாக குறிப்பிடப்பட்டுள்ளது.
அதன்படி, உலகின் மிகவும் கண்ணியமான ஓட்டுநர்களில் ஆஸ்திரேலியா நான்காவது இடத்தைப் பிடித்துள்ளது.
தரவரிசையில் ஆஸ்திரேலியா 8.60 புள்ளிகளைப் பெற்றுள்ளதும் குறிப்பிடத்தக்கது.
இந்த ஆய்வின்படி, உலகிலேயே மிகவும் கண்ணியமான ஓட்டுனர்களைக் கொண்ட நாடாக சைப்ரஸ் தேர்வு செய்யப்பட்டுள்ளதுடன், தரவரிசையில் சைப்ரஸ் 8.83 புள்ளிகளைப் பெற்றுள்ளதாக தெரிவிக்கப்பட்டுள்ளது.
நியூசிலாந்து 8.77 புள்ளிகளுடன் இரண்டாம் இடத்தையும், துருக்கி 8.73 புள்ளிகளுடன் மூன்றாவது இடத்தையும் பெற்றன.
தரப்படுத்தலில் 8.54 புள்ளிகளைப் பெற்ற போர்ச்சுகல் நாடுகளின் பட்டியலில் ஐந்தாவது இடத்தைப் பிடித்துள்ளதாக மேலும் தெரிவிக்கப்பட்டுள்ளது.
