அமெரிக்க அதிபர் டொனால்ட் டிரம்ப் விதித்த புதிய வரி காரணமாக ஆஸ்திரேலியாவும் அமெரிக்காவிற்கு பில்லியன் கணக்கான டாலர்களை செலுத்த வேண்டியுள்ளது.
இருப்பினும், நிவாரணம் வழங்குவதில் தான் கவனம் செலுத்துவதாக இன்று காலை பிரதமர் அந்தோணி அல்பானீஸுடன் தொலைபேசியில் பேசிய டிரம்ப் கூறினார்.
அமெரிக்காவிற்கு இறக்குமதி செய்யப்படும் எஃகு மற்றும் அலுமினியத்திற்கு 25% வரி விதிக்கும் நிர்வாக உத்தரவில் அமெரிக்க அதிபர் டொனால்ட் டிரம்ப் சமீபத்தில் கையெழுத்திட்டார்.
அமெரிக்காவிற்கு எஃகு மற்றும் அலுமினியத்தை ஏற்றுமதி செய்யும் முக்கிய நாடு ஆஸ்திரேலியாவாகும்.
அதன்படி, சம்பந்தப்பட்ட சுங்க வரிக்கு நிவாரணம் பெறும் நோக்கில் இந்த தொலைபேசி உரையாடல் இன்று காலை நடைபெற்றது.
புதிய வரி சீர்திருத்தங்கள் மூலம் ஆஸ்திரேலியாவிற்கு நிவாரணம் வழங்குவது குறித்து பரிசீலித்து வருவதாக அமெரிக்க ஜனாதிபதி ஊடகங்களுக்குத் தெரிவித்துள்ளார்.
அமெரிக்காவிற்கு பயனுள்ள கனிமங்களை வழங்குவது உட்பட பல துறைகளில் இரு நாடுகளுக்கும் இடையிலான ஒத்துழைப்பை மேம்படுத்துவது குறித்து மேலும் விவாதங்கள் நடத்தப்பட்டதாக ஆஸ்திரேலிய பிரதமர் அந்தோணி அல்பானீஸ் வலியுறுத்தியுள்ளார்.
அமெரிக்க உற்பத்திக்கு ஆஸ்திரேலிய எஃகு மிகவும் முக்கியமானது என்றும் பிரதமர் ஊடகங்களுக்குத் தெரிவித்துள்ளார்.
