மெல்பேர்ணின் வடக்கு பகுதியில் காட்டுத்தீ பரவல்

மெல்பேர்ணின் வடக்கே தொடர்ந்து நிலவும் அதிக வெப்பம் மற்றும் காற்றுடன் கூடிய வானிலை காரணமாக காட்டுத்தீ பரவியுள்ளது.

டோனிபுரூக் பகுதியில் ஏற்பட்ட தீயை அணைக்க தீயணைப்பு படை உடனடியாக சம்பவ இடத்திற்கு வந்ததாக ஊடக செய்திகள் தெரிவிக்கின்றன.

சம்பவ இடத்திற்கு 30க்கும் மேற்பட்ட தீயணைப்பு வீரர்கள் வந்துள்ளதாகவும், இன்னும் தீ கட்டுக்குள் கொண்டு வரப்படவில்லை என்றும் தெரிவிக்கப்பட்டுள்ளது.

உள்ளூர்வாசிகள் தங்கள் வீடுகளில் பாதுகாப்பாக இருக்குமாறு அதிகாரிகள் கேட்டுக்கொண்டனர்.

மெல்பேர்ணில் இன்று வெப்பநிலை 36 டிகிரி செல்சியஸைத் தாண்டும் என்று வானிலை ஆய்வு மையம் முன்னதாக எச்சரித்திருந்தது.

விக்டோரியாவின் மேற்குப் பகுதிகளிலும் வெப்பநிலை 42 டிகிரியாக உயர்ந்துள்ளது.

நாளை காலை மெல்பேர்ணில் வெப்பமான வானிலை இருக்கும் என்று வானிலை ஆய்வு மையம் கணித்துள்ளது, ஆனால் பகலில் சற்று குளிரான சூழல் சாத்தியமாகும்.