குயின்ஸ்லாந்து கார் நிறுத்துமிடத்தில் பிரசவத்திற்கு உதவிய காவல்துறை

குயின்ஸ்லாந்தில் உள்ள Moreton Bay கார் பார்க்கிங்கில் பிரசவத்தின்போது இரண்டு காவல்துறை அதிகாரிகள் ஒரு பெண்ணைக் காப்பாற்றியுள்ளனர்.

இது மார்ச் முதலாம் திகதி காலை 9.20 மணியளவில் நடந்துள்ளது.

இரண்டு போலீஸ் கான்ஸ்டபிள்கள் தங்கள் பணி நிலையத்திற்குச் சென்று கொண்டிருந்தபோது குறித்த பெண் பிரசவத்திற்கு போராடிக்கொண்டிருந்ததை கண்டுள்ளனர்.

மருத்துவமனைக்குச் செல்ல அந்தப் பெண்ணுக்கு போதுமான நேரம் இல்லாததால், ​​தம்பதியினர் காவல் நிலையத்திற்கு வந்ததாகக் கூறப்படுகிறது.

உடனே Triple Zero (000) அவசர சேவை ஆபரேட்டரின் உதவியுடன், குறித்த பெண்ணான Julie-க்கு 5 நிமிடங்களுக்குள் ஆண் குழந்தை பிறக்க காவல்துறை அதிகாரிகள் உதவினார்கள்.

Julie மற்றும் Nathaniel-இன் மகன் Blake எதிர்பாராத விதமாக ஒரு வாகன நிறுத்துமிடத்தின் நடுவில் ஆரோக்கியமாகப் பிறந்தார்.

காரின் பின்புறத்தில் கண்டெடுக்கப்பட்ட ஒரு துண்டில் குழந்தையைச் சுற்றிய பிறகு, துணை மருத்துவர்கள் சம்பவ இடத்திற்கு வந்தனர்.

ஒவ்வொரு நாளும் வெவ்வேறு சம்பவங்களை வெவ்வேறு அழைப்புகளுடன் எதிர்கொள்வது தங்கள் கடமைகளில் அடங்கும் என்று இரண்டு காவல்துறை அதிகாரிகளும் ஊடகங்களுக்குத் தெரிவித்தனர்.

இரண்டு மாதங்களுக்குப் பிறகு, இரண்டு காவல்துறை அதிகாரிகளுக்கும் நன்றி தெரிவிக்க Nathaniel குடும்பத்தினர் வாகன நிறுத்துமிடத்திற்கு வந்தது குறிப்பிடத்தக்கது.