மெல்பேர்ணைச் சேர்ந்த ஒருவர், தனது வீட்டிற்குள் நுழைந்த ஆயுதமேந்திய குண்டர்கள் தன்னைச் சுடப் போவதாக மிரட்டியதால் ஏற்பட்ட பயங்கரத்தைப் பற்றி ஊடகங்களுக்கு கூறியுள்ளார்.
அதிர்ச்சியூட்டும் இந்த சம்பவம் வீட்டின் பாதுகாப்பு கேமராக்களில் பதிவாகியுள்ளது.
ஒரு மரக் கம்பத்துடன் ஆயுதம் ஏந்திய மூன்று முகமூடி அணிந்த குண்டர்கள் வீட்டிற்குள் நுழைந்தனர்.
அவர்கள் ஜன்னல் வழியாக ஏறி, வீட்டு உரிமையாளர் Chris Middlemiss-ஐ சில நிமிடங்கள் பின்தொடர்ந்துள்ளனர்.
“அவர்கள் வெறும் இளம் ஆட்கள் என்றும், என்னால் மட்டுமே நிலைமையைக் கையாள முடியும் என்றும் நினைத்து நான் அவர்களை எதிர்கொண்டேன்” என்று வீட்டின் உரிமையாளர் கூறினார்.
கூட்டத்தில் ஒருவன் துப்பாக்கியை எடுத்து Middlemiss-ஐ நோக்கி குறிவைத்து மிரட்டி, பின்னர் வீட்டிற்கு வெளியே ஓடிய திருடர்கள் ஒரு மின்-சைக்கிளை எடுத்துக்கொண்டு தப்பிச் சென்றனர் என மேலும் கூறினார்.
குறித்த மிரட்டல் சம்பவம் தொடர்பில் போலீஸ் விசாரணை நடந்து வருகிறது. ஆனால் Middlemiss இது ஒரு இலக்கு வைக்கப்பட்ட தாக்குதல் என்று நம்புவதாகவும், குண்டர்கள் திரும்பி வருவார்கள் என்று அஞ்சுவதாக பொலிஸார் கூறினர்.
தகவல் தெரிந்த எவரும் 1800 333 000 என்ற எண்ணிற்கு தொடர்பு கொள்ளுமாறு பொலிஸார் பொதுமக்களிடம் கேட்டுக்கொண்டுள்ளனர்.
