சிட்னியை உலுக்கிய சமீபத்திய துப்பாக்கிச் சூட்டை NSW காவல்துறை மற்றும் பயங்கரவாத எதிர்ப்பு அமைச்சர் Yasmin Catley கண்டித்துள்ளார். மேலும் தகவல் தெரிந்தவர்கள் முன்வருமாறு வலியுறுத்தியுள்ளார்.
ஞாயிற்றுக்கிழமை நகரின் மேற்கில் பலமுறை சுடப்பட்டதில் இரண்டு ஆண்கள் காயமடைந்தனர்.
ஞாயிற்றுக்கிழமை மாலை 5.10 மணியளவில் ஒரு காரில் துப்பாக்கிச் சூட்டுக் காயங்களுடன் இருந்தவர்களைக் கண்டுபிடிக்க அவசர சேவைகள் அழைக்கப்பட்டன. துப்பாக்கிச் சூட்டில் காயமடைந்தவர்களுக்கு சம்பவ இடத்திலேயே துணை மருத்துவர்களால் சிகிச்சை அளிக்கப்பட்டது.
துப்பாக்கிச் சூடு நடந்த சிறிது நேரத்திலேயே, Merrylands West-இல் உள்ள Sherwood தெருவில் ஒரு கார் மற்றும் மரம் தீப்பிடித்து எரிவதை போலீசார் கண்டுபிடித்தனர்.
தீயணைப்பு மற்றும் மீட்புப் படையினர் தீயை அணைத்தனர், இருப்பினும் வாகனம் எரிந்து நாசமானது. இரண்டு சம்பவங்களுக்கும் தொடர்பு உள்ளதா என்பது குறித்து போலீசார் விசாரணை நடத்தி வருகின்றனர்.
தகவல் அல்லது தொடர்புடைய காட்சிகள் உள்ள எவரும் காவல்துறையைத் தொடர்பு கொள்ளுமாறு கேட்டுக் கொள்ளப்படுகிறார்கள்.
திங்கட்கிழமை இரவு சுமார் 10.30 மணியளவில், Condell Park-இன் Dalton avenue-இல் உள்ள 23 வயதான John Versace வீட்டிற்கு வெளியே, மார்பு மற்றும் வயிற்றில் பல துப்பாக்கிச் சூட்டுக் காயங்களுடன் கண்டெடுக்கப்பட்டார். அவரது கொலை CCTVயில் பதிவாகியுள்ளது .
