ஆஸ்திரேலியர்கள் வெகுமதிப் புள்ளிகளைப் பெறுவதற்கு அதிகமாகச் செலவிடுகிறார்கள் என்று ஆராய்ச்சி ஒன்றின் மூலம் தெரியவந்துள்ளது.
இலவச விமானப் பயணங்கள் மற்றும் cashback போன்ற கவர்ச்சிகரமான விளம்பர உத்திகள் காரணமாக மில்லியன் கணக்கான ஆஸ்திரேலியர்கள் reward புள்ளிகளால் ஈர்க்கப்படுகிறார்கள்.
ஆஸ்திரேலியர்கள் வெகுமதி புள்ளிகளைப் பெறுவதற்காக அதிகமாகச் செலுத்துகிறார்கள் அல்லது கடன் வாங்குகிறார்கள் என்பதை Finder வலைத்தளத்தின் புதிய ஆராய்ச்சி வெளிப்படுத்தியுள்ளது.
452 கிரெடிட் கார்டு வைத்திருப்பவர்களிடம் நடத்தப்பட்ட ஒரு ஆய்வில், bonus புள்ளிகளைப் பெறுவதற்கான குறைந்தபட்ச செலவுத் தேவைகளைப் பூர்த்தி செய்வதற்காக அவர்கள் அதிக கொள்முதல்களைச் செய்கிறார்கள் என்பது தெரியவந்தது.
அந்தச் செலவுகளை ஈடுகட்ட 11 சதவீதம் பேர் கடனில் மூழ்கியதாகவும், ஆறில் ஒருவர் வழக்கத்தை விட அதிகமாகச் செலவிட வேண்டியிருந்தது என்றும் ஆராய்ச்சி வெளிப்படுத்தியது.
வெகுமதி புள்ளிகளைப் பெறுவதற்காக 2.6 மில்லியன் மக்கள் அதிகமாக பணம் செலுத்தியுள்ளனர் அல்லது கடனில் மூழ்கியுள்ளனர் என்று அறிக்கை கூறுகிறது.
Finder rewards points-இல் நிபுணரான Angus Kidman, வெகுமதி திட்டங்கள் கவர்ச்சிகரமான சலுகைகளை வழங்குகின்றன. ஆனால் உங்கள் கிரெடிட் கார்டில் உங்களால் வாங்க முடிந்ததை விட அதிகமாக செலவு செய்தால், பணத்தை சேமிக்காமல் பணத்தை இழக்க நேரிடும் என்று கூறினார்.
