ஆக்கிரமிப்பு மேற்குக் கரையில் யூதர்களுக்காக 22 புதிய குடியிருப்புகளை நிறுவ இஸ்ரேல் அங்கீகரித்துள்ளது. அரசு அனுமதியின்றி ஏற்கனவே கட்டப்பட்டுள்ள புறக்காவல் நிலையங்களை சட்டபூர்வமாக்கவும் முடிவு செய்துள்ளது.
இஸ்ரேல் நிலத்தில் எங்களது வரலாற்று உரிமையை வலுவாக நிலைநிறுத்தவும், தீவிரவாதத்திற்கு பதிலடியாகவும் இந்த குடியிருப்பு முடிவுகள் என இஸ்ரேல் பாதுகாப்பு அமைச்சர் காட்ஸ் தெரிவித்துள்ளார்.
அத்துடன் “இஸ்ரேலுக்கு ஆபத்தை விளைவிக்கும் ஒரு பலஸ்தீன அரசை நிறுவுவதைத் தடுக்கும் ஒரு மூலோபாய நடவடிக்கையாகும்” எனத் தெரிவித்துள்ளார்.
ஏற்கனவே மேற்கு கரையில் இஸ்ரேல் 100-க்கும் மேற்பட்ட குடியிருப்புகளை கட்டியுள்ளது. இதில் சுமார் 5இலட்சம் பேர் வசித்து வருகிறார்கள்.
மேற்குக் கரையில் 3 மில்லியன் பலஸ்தீனர்கள் வசிக்கின்றனர். அவர்கள் இஸ்ரேலிய இராணுவ ஆட்சியின் கீழ் வாழ்கின்றனர். மேற்கத்திய ஆதரவு பெற்ற பலஸ்தீன ஆணையகம் மக்கள் தொகை மையங்களை நிர்வகிக்கிறது. குடியேறியவர்களுக்கு இஸ்ரேலிய குடியுரிமை உள்ளது.
