ஆஸ்திரேலியாவைச் சேர்ந்த சாரா, லைனே ராபின்சன் தம்பதி மவுண்ட் நாதனில் தங்களது கனவு கிராமப்புற வீட்டில் குடியேற திட்டமிட்டனர். அதற்காக தங்கள் வாழ்நாள் (15 ஆண்டுகள்) சேமிப்பை எல்லாம் சேர்த்து மொத்தம் 250,000 டொலர்களை ஒன்லைன் வாயிலாக ANZ நிறுவனத்திற்கு செலுத்தியுள்ளனர்.
ஆனால், Settlement நெருங்கும் சமயத்தில் குறித்த நிறுவனம் அமைதியாகிவிட்டதால், தம்பதியரின் கெட்ட கனவு தொடங்கியது.
அதாவது, ராபின்சன் குடும்பத்திற்கு தெரியாமல் மோசடி நபர்கள், மின்னஞ்சல் சங்கிலியை இடைமறித்து நிறுவனத்தைப் போலவே செயல்பட்டுள்ளனர். மோசடி மின்னஞ்சல்கள் கிட்டத்தட்ட முறையான கடிதப் போக்குவரத்தைப் போலவே இருந்தன. ஆனால் ஒரு நுட்பமான சிவப்புக் கொடியைக் கொண்டிருந்தன. அனுப்புநரின் மின்னஞ்சலில் இறுதியில் ஒரு எளிய ‘.au’ இல்லை.
இதனைத் தொடர்ந்து, உண்மையான ஆவண தயாரிப்பாளர் அவர்களை தொடர்புகொண்டபோது மோசடி வெளியிடப்பட்டது. குறித்த நிறுவனத்திற்கு 60,000 டொலர்கள்தான் செலுத்தப்பட்டிருந்தது. இரண்டாவது மற்றும் மிகப்பெரிய தொகையான 252,000 டொலர்கள் காணாமல் போனது. இதனால் அதிர்ச்சியடைந்த ராபின்சன் குடும்பம் நிறுவனத்தை கேட்ட பின்னர், ஆரம்பத்தில் 80,000 டொலர்களை ANZஆல் மீட்க முடிந்தது.
துரதிர்ஷ்டவசமாக மீதமுள்ள 170,000 டொலர்கள் பணத்தை மீட்க முடியவில்லை. வங்கி இப்போது தலையிட்டு முழுத் தொகையையும் தம்பதிக்கு திருப்பிச் செலுத்தியுள்ளது.
இதுகுறித்து சாரா கூறுகையில், ‘நான் மோசடி செய்பவர்களுடன் ஒன்றரை வாரமாகத் தெரியாமல் பேசிக் கொண்டிருந்தேன். மின்னஞ்சல்களை நம்பி பணம் செலுத்த ராபின்சன் ANZ கிளைக்குச் சென்றார். அங்கு கணக்குப் பெயர் விவரங்களுடன் பொருந்தவில்லை. அன்று அவர்கள் தவறு செய்திருப்பதை அவர்களால் பார்க்க முடிந்தது. அவர்களது ஊழியர் பொருத்தமான சோதனைகளை செய்ய தவறிவிட்டார், எங்களைப் பாதுகாக்கத் தவறிவிட்டார்’ என குற்றம்சாட்டினார்.
