மெல்பேர்ண் Shopping சென்டரில் கூர்மையான ஆயுதங்களை ஏந்திய இளைஞர்கள் குழுவால் ஏற்பட்ட ஊரடங்கு சம்பவத்தைத் தொடர்ந்து, நேற்று விக்டோரியாவில் மற்றொரு சம்பவம் பதிவாகியுள்ளது.
நேற்று மாலை சுமார் 6:40 மணியளவில் Caroline Springs-இல் உள்ள CS Square-இற்குள் ஐந்து அல்லது ஆறு ஆயுதமேந்திய ஆண்கள் ஒருவருக்கொருவர் வாக்குவாதத்தில் ஈடுபட்டதாக விக்டோரியா காவல்துறை தெரிவித்துள்ளது.
இதன் விளைவாக, போலீசார் வரும் வரை அந்த வணிக வளாகம் மூடப்பட்டிருந்தது.
அதற்குள் அந்தக் குழு அங்கிருந்து தப்பிச் சென்றுவிட்டது. ஆனால் யாருக்கும் காயம் ஏற்படவில்லை.
போலீசார் தொடர்ந்து விசாரணை நடத்தி வருகின்றனர். மேலும் சாட்சிகள் அல்லது வீடியோ உள்ள எவரையும் Crime Stoppers-களைத் தொடர்பு கொள்ளுமாறு கேட்டுக் கொண்டனர்.
இரண்டு வாரங்களுக்கு முன்பு இதேபோன்ற மோதலைத் தொடர்ந்து மே 25 அன்று Preston-இல் உள்ள Northland Shopping Centre பூட்டப்பட்டது.
