கடந்த புதன்கிழமை முதல் டாஸ்மேனியாவில் காணாமல் போன இரண்டு சுற்றுலாப் பயணிகளும் இறந்துவிட்டதாக போலீசார் உறுதிப்படுத்தியுள்ளனர்.
Leannedra Kang மற்றும் Takahiro Toya ஆகியோர் ஜூன் 4 ஆம் திகதி டாஸ்மேனியாவின் Launceston-இல் இருந்து பிரிஸ்பேர்ணுக்கு ஒரு விமானத்தில் புறப்பட திட்டமிடப்பட்டிருந்தனர்.
ஆனால் அவர்கள் அந்த விமானத்தில் ஏறவில்லை என்றும் வாடகை காரை திருப்பி அனுப்பவில்லை என்று கூறப்படுகிறது.
பிரிஸ்பேர்ணைச் சேர்ந்த இந்த தம்பதியினர், St Helens மற்றும் Scamander பகுதியில் விடுமுறையில் இருந்தனர். கடைசியாக ஜூன் 3 அன்று வடக்கு Hobart-இல் உள்ள தங்கள் தங்குமிடத்தை விட்டு வெளியேறினர்.
பின்னர் நேற்று மாலை வடகிழக்கு டாஸ்மேனியாவில் விபத்துக்குள்ளான வாகனம் அருகே காவல்துறை அதிகாரிகளால் இறந்து கிடந்தனர்.
நேற்று மாலை 5.30 மணியளவில் Tebrakunna சாலையில் தண்ணீரில் கார் கண்டுபிடிக்கப்பட்டதாக காவல் ஆய்வாளர் Luke Manhood தெரிவித்தார்.
வாகனம் சாலையை விட்டு விலகி தண்ணீரில் விழுந்திருக்கலாம் என்று நம்பப்படுவதாகவும், ஆரம்பகட்ட விசாரணைகளில் சந்தேகத்திற்குரிய எதுவும் இல்லை என்றும் Manhood கூறினார்.
இவர்கள் இருவரும் 20 வயதுக்குட்பட்டவர்கள் என்று போலீசார் நம்புகின்றனர்.
