கட்சியில் பெண் பிரதிநிதித்துவத்தை அதிகரிப்பது குறித்து Sussan Ley ஒரு முக்கியமான அறிக்கையை வெளியிட்ட சில மணி நேரங்களுக்குப் பிறகு லிபரல் கட்சியின் Facebook மற்றும் Instagram கணக்குகள் Hack செய்யப்பட்டுள்ளன.
அந்தக் கணக்குகளில் பெண்களின் அரை நிர்வாண புகைப்படங்கள் பல பதிவேற்றப்பட்டன. பின்னர் அந்தக் கட்சி அதன் சமூக ஊடகக் கணக்குகள் Hack செய்யப்பட்டதாக அறிவித்தது.
கட்சி வெளியிட்டுள்ள அறிக்கையில், அதன் கணக்குகளைப் பயன்படுத்தும் மூன்றாம் தரப்பு சமூக ஊடக மேலாளரின் கணக்கு Hack செய்யப்பட்டு, இந்தப் புகைப்படங்கள் பதிவேற்றப்பட்டதாகவும் கூறுகிறது.
இந்த அங்கீகரிக்கப்படாத படங்கள் அனைத்தும் 10 நிமிடங்களுக்குள் அகற்றப்பட்டதாகவும், இந்த விஷயம் Meta மற்றும் ஆஸ்திரேலிய சைபர் பாதுகாப்பு மையத்திற்கு தெரிவிக்கப்பட்டதாகவும் கட்சித் தலைவர் Sussan Ley தெரிவித்தார்.
இந்த சம்பவத்திற்கு லிபரல் கட்சியில் உள்ள அனைவரும் மன்னிப்பு கேட்பதாகவும், வருத்தம் தெரிவிப்பதாகவும் அவர் மேலும் கூறினார்.
