விக்டோரியாவில் உள்ள ஒரு பிரபலமான சாலையில் தனது காரின் திறந்த sunroof மீது இருந்து டைட்டானிக் காட்சியை நிகழ்த்தியதற்காக ஒரு பெண்ணுக்கு காவல்துறை $600 அபராதம் விதித்துள்ளது.
ஆல்பைன் பகுதியில் பிரபலமான சுற்றுலாப் பாதையான Merrijig-இல் உள்ள Mount Buller சாலையில் இந்த சம்பவம் நிகழ்ந்துள்ளது.
நெடுஞ்சாலை ரோந்துப் பணியில் ஈடுபட்டிருந்த காவல்துறை அதிகாரிகள், அந்தப் பகுதியில் வழக்கமான வேகச் சோதனையை மேற்கொண்டு கொண்டிருந்தபோது, மணிக்கு 100 கிலோமீட்டர் வேகத்தில் பயணிக்கும் ஒரு ஜீப்பையும், அதன் திறந்த sunroof-இல் ஒரு பெண் நிற்பதையும் கண்டனர்.
டைட்டானிக் திரைப்படத்தின் பிரபலமான “I’m flying” காட்சியைப் பின்பற்றி அந்தப் பெண் தனது கைகளை விரித்துக்கொண்டிருந்ததாக விக்டோரியா காவல்துறை தெரிவித்துள்ளது.
இதுபோன்ற கவனக்குறைவான செயல்களால் விபத்துக்கள் ஏற்படும் அபாயம் இருப்பதாக போலீசார் சுட்டிக்காட்டுகின்றனர்.
விக்டோரியா காவல்துறையினர், வாகனத்தின் ஓட்டுநருக்கு $600 அபராதமும், அந்தப் பெண்ணின் பொறுப்பற்ற நடத்தைக்காக கிட்டத்தட்ட $600 அபராதமும் விதித்துள்ளனர்.
