ஆஸ்திரேலியாவிற்குள் சட்டவிரோதமாக 62,000 கிலோகிராம் வெளிநாட்டு உணவைக் கொண்டு வந்ததற்காக ஒரு பெண்ணுக்கு சிறைத்தண்டனை விதிக்கப்பட்டுள்ளது.
போலியாக பெயரிடப்பட்ட polystyrene பெட்டிகளில் அடைக்கப்பட்டிருந்த அந்த உணவை ஆஸ்திரேலிய எல்லை அதிகாரிகள் பறிமுதல் செய்தனர்.
உறைந்த தவளைகள், இறால், பூச்சிகள் நிறைந்த புதிய விளைபொருள்கள் மற்றும் பன்றி இறைச்சி ஆகியவை அங்கு காணப்பட்டன.
அனைத்தும் தாய்லாந்திலிருந்து இறக்குமதி செய்யப்பட்டு சிட்னி கறுப்புச் சந்தைக்கு அனுப்ப திட்டமிடப்பட்டிருந்ததாக எல்லை அதிகாரிகள் கூறுகின்றனர்.
இருப்பினும், போலீசாருக்கு கிடைத்த ரகசிய தகவலின் அடிப்படையில் கைது செய்யப்பட்டது.
அந்தப் பெண்ணுக்கு 2 ஆண்டுகள் சிறைத்தண்டனையும் 150 மணிநேர சமூக சேவையும் அனுபவிக்க நீதிபதி உத்தரவிட்டுள்ளார்.
தவளைகளைப் பாதிக்கும் சைட்ரிடியோமைகோசிஸ் போன்ற நோய்கள் ஏற்கனவே உலகளவில் 500க்கும் மேற்பட்ட நீர்நில வாழ்வன இனங்களை அழிப்பதற்கு வழிவகுத்துள்ளன.
இறால் வெள்ளைப் புள்ளி நோய் எனப்படும் வைரஸால் பாதிக்கப்படலாம், மேலும் பன்றிகள் ஆப்பிரிக்க பன்றிக் காய்ச்சல் போன்ற பல நோய்களைப் பரப்பக்கூடும்.
