குயின்ஸ்லாந்தில் உள்ள Darling Downs மிருகக்காட்சிசாலையில் சிங்கம் தாக்கியதில் தொழிலாளி ஒருவர் காயமடைந்துள்ளார்.
மிருகக்காட்சிசாலை ஒரு அறிக்கையில், காலையில் சிங்கக் கூண்டை சுத்தம் செய்வதற்காக ஊழியர் தனது கையை அடைப்புக்குள் விட்டதாகவும், அந்த நேரத்தில் சிங்கம் அவரது ஒரு கையை கடுமையாக சேதப்படுத்தியதாகவும் தெரிவித்துள்ளது.
பின்னர் அவர் விமானம் மூலம் Princess Alexandra மருத்துவமனைக்கு கொண்டு செல்லப்பட்டார்.
மருத்துவமனைக்குக் கொண்டுவரப்பட்டபோது அவரது கை கிட்டத்தட்ட முற்றிலுமாக துண்டிக்கப்பட்டிருந்ததாக மருத்துவமனை அதிகாரிகள் தெரிவித்தனர்.
இந்த சம்பவத்தைத் தொடர்ந்து Darling Downs மிருகக்காட்சிசாலை முற்றிலுமாக மூடப்பட்டுள்ளதாகவும், இந்த சம்பவம் குறித்து பணியிட சுகாதார பாதுகாப்பு குயின்ஸ்லாந்திற்கு அறிவிக்கப்பட்டுள்ளதாகவும் மிருகக்காட்சிசாலை மேலாளர்கள் தெரிவித்தனர்.
கூடுதலாக, பணியிட சுகாதார பாதுகாப்பு குயின்ஸ்லாந்து ஆய்வாளர்கள் மிருகக்காட்சிசாலையில் ஆய்வுகளை மேற்கொண்டு வருகின்றனர்.
