மேற்கு ஆஸ்திரேலியாவின் Karijini தேசிய பூங்காவில் உள்ள பள்ளத்தாக்கில் விழுந்த ஒரு சிறு குழந்தையை அவசர சேவைகள் மீட்டுள்ளன.
பிரபலமான Dales Gorge நீச்சல் தளத்தில் சிறுவன் பாறைகளில் வழுக்கி தண்ணீரில் விழுந்ததாக தகவல் கிடைத்தது. செவ்வாய்க்கிழமை பிற்பகல் 3 மணிக்கு முன்னதாகவே மீட்புப் பணி நிறைவடைந்ததாக தீயணைப்பு மற்றும் அவசர சேவைகள் தெரிவித்தன.
Tom Price மாநில அவசர சேவை மற்றும் தீயணைப்பு படை வீரர்களைச் சேர்ந்த தன்னார்வலர்கள் மீட்புப் பணிக்கு உதவினார்கள்.
குழந்தையின் வயதை St John WA உறுதிப்படுத்த முடியவில்லை. ஆனால் சிறுவனுக்கு சிறிய காயங்கள் ஏற்பட்டதால், அவர் Tom Price மாவட்ட மருத்துவமனைக்கு மாற்றப்படுவதாகக் கூறினார். மீட்புப் பணியின் போது Dales பள்ளத்தாக்கு மற்றும் அருகிலுள்ள குளங்கள் மற்றும் பாதைகள் மூடப்பட்டன. ஆனால் பின்னர் மீண்டும் திறக்கப்பட்டுள்ளன.
Tom Price Visitor Centreன் கூற்றுப்படி, ஒவ்வொரு ஆண்டும் ஜூன் முதல் ஆகஸ்ட் வரை 30,000க்கும் மேற்பட்ட சுற்றுலாப் பயணிகள் Karijini தேசிய பூங்காவிற்கு வருகை தருகின்றனர்.
Dales பள்ளத்தாக்கு பூங்காவில் மிகவும் பிரபலமான மற்றும் அணுகக்கூடிய பள்ளத்தாக்குகளில் ஒன்றாகக் கருதப்படுகிறது.
